أبو عرايس: الزمالك خسر بسحر أبو تريكة

قال سامح أبو عرايس، مؤسس حركة أبناء مبارك، إن سبب خسارة الزمالك بثلاثة أهداف مقابل اثنين، أمام طلائع الجيش، مساء أمس الأحد سحر محمد أبو تريكة، لاعب الأهلى السابق.

وأضاف أبو عرايس، عبر حسابه الشخصى بموقع التواصل الاجتماعى "فيسبوك": "ممكن جدًا تكون خسارة الزمالك بسبب سحر عمله أبو تريكة لهم، هو انتم فاكرين أبو تريكة مجرد لاعب، هو إخوانى ماسونى وكانوا بيسموه الساحر والماجيكو من الماجيك اللى هو السحر، علشان يرمزوا لعمله بالسحر زى كتير من الماسونيين".

وتابع أبو عرايس: "علشان كده شركة فودافون الماسونية بتخليه يعمل إعلاناتها وكان بيقول فى الإعلان، ممكن تبقى أنت الساحر الجديد، يعنى دعوة للناس للانضمام للماسونية وتعلم السحر، كما أن شركة فودافون معروف إن إعلاناتها بتحمل رموز ماسونية وآخرها إعلان المارد الأحمر اللى هو الشيطان، حيث يظهر المارد يقود باقى الشياطين لعمل أنظمة جديدة وتقديم عروض للمشتركين".

وأكمل: "الماسونيون يعبدون الشيطان وبيسموه لوسيفر، يعنى الإعلان كان عن خدمة الشياطين للماسونيين، فعادى أن يكون الماسونيين ومنهم أبو تريكة عملوا سحر للزمالك علشان يخسر، خصوصًا أن الزمالك رئيسه رجل وطنى هو مرتضى منصور، وأن الراعى الرئيسى للزمالك هو "عبور لاند" يعنى بيرمز للعبور اللى هى حرب أكتوبر، فأكيد الماسونيين مش هيحبوا الزمالك".

وواصل: "عمومًا الإله حورس تدخل وجعل الخسارة تكون من طلائع الجيش علشان يرسل رسالة للماسونيين، والإله "ست" إله الشر اللى هو الشيطان اللى بيعبدوه، إنهم حتى لما حاولوا يوقعوا الرئيس مبارك اللى هو رمز عبور مصر ونصر أكتوبر فالبديل سيكون الجيش، ومصر لن تسقط فى شباك الماسونية، علشان كده خسر الزمالك اللى بيرعاه "عبور لاند" من طلائع الجيش اللى بيرمز للجيش".

واختتم أبو عرايس المنشور قائلًا: "إنه السحر والماسونية وصراع إله الخير "حورس" مع إله الشر "ست" وسينتصر إله الخير فى النهاية".

المصدر: مبتدأ