دافعت الإعلامية ريهام سعيد، مقدمة برنامج "صبايا الخير"، عن السيدة ياسمين النرش المعروفة إعلاميًا بسيدة المطار، قائلة: "ياسمين بنت ناس جدا جدا جدا، كانت معايا ف المدرسة، وراحت تجارة انجلش ودلوقتي بتشتغل في الديكور وعندها Show rooms، ومقتدرة جدا وأبوها رجل أعمال كبير".
وقالت ريهام سعيد: "حزينة جدا فوق ما تتخيلوا لمشاهدة الفيديو دا وعرضته لأن عرضه مش هينشره لأنه بالفعل انتشر، حزينة لأني أعرف هذه السيدة والحقيقة ان احنا ناس يا نشتم ف حد أوي يا نمجد حد أوي، وعندنا اللي بيقع ملوش دية يعني العجل وقع هاتوا السكين بس ياريت يبقى ع الكل وفي كل المواقف".
وأضافت ريهام: "التصرف اللي هي عملته يومها، هل كانت طبيعية، لأ مكانتش طبيعية، ومبتاخدش مخدرات، ولكن شهادة حق لأن الدنيا دوارة وكما تدين تدان ياسمين مينفعش تتاجر ف المخدرات، بلغة أخرى مش محتاجة تتاجر في المخدرات، 200 جرام حشيش دول بكام 300 جنيه مثلا، هل في واحدة في حيازتها مخدرات هتحتك بضابط بالطريقة دي؟"
أضف هذا الخبر إلى موقعك:
إنسخ الكود في الأعلى ثم ألصقه على صفتحك أو مدونتك أو موقعك
كن أول شخص وأضف تعليق على هذا الخبر الآن!