عمرو مصطفى: الكينج والهضبة قدما "القاهرة" برقي في مواجهة قوى الشر

اخبار النجوم والفن › اخبار الفن و الفنانين › عمرو مصطفى: الكينج والهضبة قدما "القاهرة" برقي في مواجهة قوى الشر

أشاد الملحن عمرو مصطفى بـ"كليب القاهرة" والذي طرح مؤخراً رغم خلافه مع عمرو دياب.

وكتب مصطفى من خلال صفحته على موقع "فيس بوك": "عمرو دياب ومحمد منير قدما مصر بشكل راق وبيتحاربوا، ادعم أغنية القاهرة لأن دي مصر الراقية اللي عايز أشوفها، ادعم أغنية القاهرة لأن كفاية عشوائيات في التصوير وكفاية بلطجة وكفاية بيئة، ادعم أغنية القاهرة لأن اتنين من أحسن من في جيلهم قدموا نموذجا ثقافيا محترما، دعمهم أنت كمان دلوقتي واطلب منهم عمل آخر في الشارع وقولهم نظفوا الشارع قبل التصوير علشان مصر صورتها قدام العالم تتطلع حلوة، ادعمهم لأنهم ولاد بلدك ومدوا أيديهم لبلدهم".

وأضاف: "مش وقت نفتكر الماضي حصل فيه إيه أدعمهم لأن قوى الشر زعلت منهم علشان عملوا كده، أدعمهم علشان يكونوا قدوة للأجيال القادمة".

وتابع: "الموضوع مش أغنية حلوة أو وحشة الموضوع وطن ومصريين مدوا أيدهم لوطنهم / أدعمهم لأنهم مصريين وطلعوا صورة بلدك بشكل أنا شخصيا فخور بيه".

المصدر: صدى البلد

قد يعجبك أيضا...