"الوطن" تنشر نص مكالمات الرشوة بين فودة ومدير مكتب وزير الزراعة السابق

حصلت «الوطن» على نصوص المكالمات الهاتفية، واللقاءات والأحاديث التى تمت بين المتهمين، محيى الدين قدح، وأيمن الجميل، ومحمد فودة فى الأماكن العامة والخاصة، والتى تم تسجيلها بإذن من نيابة أمن الدولة.. وفيما يلى نص التسجيلات التى دارت بين المتهمين فى القضية.إيماءً لإذن نيابة أمن الدولة الصادر بتاريخ 20/5/2015 والمتضمن مراقبة وتصوير وتسجيل اللقاءات والأحاديث التى تتم بين كل من محيى الدين محمد سعيد عبده نصر، وأيمن محمد رفعت عبده الجميل ومحمد محمد محمود أبورويشد فودة فى الأماكن العامة والخاصة ومراقبة وتسجيل المحادثات الهاتفية التى تتم عبر الهواتف السابق الإشارة إليها بمحضرنا السابق وعليه فقد تم وضع الإذن موضع التنفيذ حيث أسفر عن الآتى:

الهاتف الأول

المستخدم بمعرفة السيد محيى الدين محمد سعيد عبده نصر قدح فقد وردت عليه المحادثات الآتية:

1- بتاريخ 24/5/2015 وردت محادثة بين محيى قدح ومحمد فودة تضمنت استفسار الأول عن صحة الثانى وإخبار الثانى للأول قائلاً: «والنبى خليك بس فى الموضوع اللى أنا قلت لك عليه» فأجابه الأول بالإيجاب.

2- بتاريخ 25/5/2015 وردت محادثة بين محيى قدح ومحمد فودة تضمنت استفسار الأول عن صحة الثانى والاتفاق على تقابلهما ليلاً ثم أخبر الثانى الأول قائلاً: «والنبى ماتنساش اللى عندك ماشى».

3- بتاريخ 27/5/2015 وردت محادثة بين محيى قدح وأحد الأشخاص تضمنت إخبار الأول الثانى قائلاً: «كان فى حاجة تبع شركة اسمها كايرو ثرى إيه الناس دول مخلّصين إجراءاتهم وبيقولوا أن هما عايزين يخلصوا الأوراق الباقية إيه المشكلة بتاع الناس دى» فأجابه الثانى بعدم وجود مشكلة وأن الموضوع طرف المشروعات المدنية وأنه جارى الحصول على «الكلكة» الخاصة بهم فاستفسر الأول هل تم وصول «الكلكة» فأجابه الثانى بالنفى فقال له الأول «حقول لك حاجة يا باشا الوزير موصّى أن إحنا عايزين عشرين مليار يدخلوا للهيئة دى تحصيل من الناس تقنين وتغيير نشاط والكلام ده، ليه حد زى كده مانستغلوش ونخلص الإجراء ليهم بسرعة وناخد الفلوس بما يتوافق مع القانون.. الوزير كان مدى توجيهات أن كل الحالات اللى زى كده تمشى وفقاً للإجراءات هم فيه مشاكل عندهم ولّا إجراءاتهم سليمة» فأجابهم الثانى بسلامة إجراءاتهم فطلب الأول منه إنهاء إجراءاتهم غداً على أن يتم عرض الموقف على الوزير بمعرفتهما.

4- بذات التاريخ وردت محادثة بين محيى قدح وأحد الأشخاص تضمنت إخبار الأول للثانى قائلاً: «دلوقتى معالى الوزير كلفنى بيقول لى إنه كلم حضرتك بخصوص نفس الشكوى اللى كانت وردت من موضوع الشركة بتاع كايرو ثرى إيه ودلوقتى معالى الوزير قال إن حضرتك النهارده وقت ما حتيجى حتعدى عليه عشان بخصوص هذا الأمر.. أرجو أن حضرتك تهتم بالأمر اهتمام مناسب لأن الناس دلوقتى بيروّجوا مش الشركة بس كافة الحالات المماثلة أن احنا مش عايزين ناخد حقوق الدولة وسايبينها مهدرة فعايزين دى تبقى نموذج ننتهى منه فى أقرب وقت ممكن يعنى بكرة يكون الإجراء قدام معالى الوزير بيعتمده عشان نخلص وبعد كده نقول آهه ده النموذج الأول لحالات التقنين».5- بتاريخ 28/5/2015 وردت محادثة بين محيى قدح وأحد الأشخاص تضمنت استفسار الأول من الثانى عن عدة موضوعات منها شكوى شركة كايرو ثرى إيه وما تم بها فأجابه الثانى قائلاً: «أنا بجيب الورق دلوقتى أهوه أنا أول ما جيت ماليش شغلانة غيرها عشان أطلع علطول على اللجنة العليا إن شاء الله» فطلب الأول بأن يتم موافاته بالأمر.

6- بتاريخ 4/6/2015 وردت محادثة بين محيى قدح وأحد الأشخاص تضمنت طلب الأول نسخة من ملف شركة كايرو ثرى إيه وإخبار الثانى للأول بأنه سيقوم بإعدادها وأفاد بإنهاء إجراءاته وتم تحويله للجنة الفنية.

أيمن الجميل مقدم الرشوة للوسيط محمد فودة: «هما قرايبك داخلين على طمع ولاّ إيه.. طالبين حاجات جامدة قوى».. و«الجميل» لـ«فودة»: عندى 70 أو 100 فدان كانت أراضى استصلاح فى دمياط عايز أقلبها صوامع تخزين ومصنع

الهاتف الثانى

المستخدم بمعرفة السيد محيى الدين محمد سعيد عبده نصر قدح فقد وردت عليه المحادثة الآتية:

- بتاريخ 1/6/2015 وردت محادثة بين محيى قدح وأحد الأشخاص تضمنت استفسار الأول من الثانى قائلاً: عملت إيه فى الموضوع بتاع كايرو، فأجابه الثانى بأنه منتظر وجود مستشار قانونى معه باللجنة الفنية لاستكمال الإجراءات فقال له الأول «طب ما هو عيد كان موجود النهارده ماخلتهوش عملها لك ليه» فأجابه الثانى بأنه لم يصدر بشأنه قرار حتى الآن حتى يتسنى له حضور تلك اللجنة وأكد على ضرورة وجود مستشار قانونى بالهيئة وذلك لتوقيع المحضر وفقاً للقرار الوزارى فى هذا الشأن.

الهاتف الثالث

المستخدم بمعرفة السيد محيى الدين محمد سعيد عبده نصر قدح فقد وردت عليه المحادثات الآتية:

1- بتاريخ 28/5/2015 وردت محادثة بين محيى قدح ومحمد فودة وتضمنت سؤال الأول للثانى قائلاً: «فين يا عم البتاع.. الهواوى» فأجابه الثانى بأنه موجود وسأله عن توقيت مرور الأول عليه فاتفقا على التقابل الساعة التاسعة والنصف بالفورسيزون.

2- بذات التاريخ السابق وردت محادثة بين محيى قدح ومحمد فودة تضمنت سؤال الثانى للأول «الواد ياسين.. جبت لى الجواز بتاعه» فأجابه الأول بالإيجاب فاستكمل الثانى «طيب والنبى عايزين بقى جداول بكرة عشان نخلص من الموضوع ده عشان أشيله من دماغى» فوافق الأول على ذلك واتفقا على التقابل غداً الساعة التاسعة والنصف لإنهاء أحد الموضوعات بينهما على أن يتم عرضها على الوزير.

3- بذات التاريخ السابق وردت محادثة بين محيى قدح ومحمد فودة تضمنت تأكيد الميعاد بينهما غداً الساعة التاسعة والنصف وكذا التأكيد على وجود أحد الأشخاص أشار إليه الثانى بلفظ «صاحبك».

4- بتاريخ 30/5/2015 وردت محادثة بين محيى قدح ومحمد فودة تضمنت اعتذار الأول للثانى عن عدم الحضور نظراً لانشغاله بالعمل واستكمل قائلاً: «وشوف الموضوع مع الراجل» فأجابه الثانى قائلاً: «بتاعك انت.. ده فى رقبتى وأنا ورحمة أمى وحق لا إله إلا الله تمام» فسأله الأول «حتاخد الورقة منه إمتى» فأجابه الثانى: «أنا المفروض عندى معاد الخميس حخلصها لك وأجيبها لك معايا.. ده أنا أخدت صورة البطاقة بتاعتك وبياناتك كلها وعملت السى فى بتاعك عشان يبقى معايا.. انت عارف القرار ده بيتعمل فى أد إيه، فى دقيقة» واستكمل قائلاً: «المهم صاحبك اللى كان قاعد معانا النهارده ده بقى أنا عايز اخلص.. انت كلمته» فأجابه الأول بالإيجاب ثم سأله الثانى «وضاحى ده ولا الموضوع ده خلصته معاه» فأجابه الأول «قلت له وقال لى لما نرجع».

5- بتاريخ 31/5/2015 وردت محادثة بين محيى قدح ومحمد فودة تضمنت إخبار الثانى للأول قائلاً: «أنا حخلص لك موضوع الملف بتاع الكهربا» فقاطعه الأول قائلاً: «ما تيجى بس عشان تاخد الإمضاء دى منه» فقال الثانى: «بص هو قال لى هالة حتخلص.. حاجى له نتعشى التلات مع بعض إيه رأيك» فأجابه الأول قائلاً: «تعال لى التلات ونخرج سوا من هناك عشان تاخد الإمضاء منه» فقال الثانى: «خلاص ماشى.. عمر ضاحى أخباره إيه» فأجابه الأول «مافيش مشكلة خالص.. الراجل محترم وشغله زى الفل» ثم استكمل الثانى فى مجاملة الأول مشيراً لعدم وجود مصلحة بينهما وأفاد عن سابقة تقابلهما مع شخص يدعى أيمن أبوحديد أثناء التعديات.

محمد فودة لـمحيى قدح: أنا هخلص موضوع الملف بتاع الكهربا.. وهاجى نتعشى يوم التلات.. إيه رأيك؟

6- بتاريخ 1/6/2015 وردت محادثة بين محيى قدح ومحمد فودة تضمنت إخبار الثانى للأول قائلاً: «ماتجدد للواد ياسين» فأجابه الأول بأنه سيجدده غداً ثم استكمل الثانى قائلاً: «أشرف شيحة قال لى ممكن يحصل مشكلة.. بس ليه لحد يقول حاجة» فأكد الأول بأنه سيرسل أحد الأشخاص غداً لإحضاره وتجديده». ثم دار الحوار عن أحد مقالات الثانى ضد شيخ الأزهر فطلب الأول منه قائلاً: «طب ما تكتب حاجة بقى كده ليّا.. مش حتكتب لى حاجة» فقال الثانى «عايزك تدينى أربع خمس سطور كده.. عشان يبقى حاجة جادة وحاجة إيه مايبقاش فيها شبهة مجاملة» فوافق الأول على ذلك ثم سأله الثانى قائلاً: «إوعى تكون نسيتنى النهارده أنا بعت لك ماسيدج.. يعنى هو الثانى مش المفروض كان خلّص.. ضاحى أخباره إيه.. خلصت مع ضاحى» فأجابه الأول «جهز وهيعتمد.. والله خلاص.. بكرة حيكون خلصان».

7- بذات التاريخ السابق وردت محادثة بين محيى قدح ومحمد فودة تضمنت طلب الأول من الثانى إعطاءه رقم المتحرى عنه أيمن وذلك للاتصال به للتحدث مع شخص يدعى الدكتور/ سعد.

8- بذات التاريخ السابق وردت محادثة بين محيى قدح وأيمن الجميل تضمنت إخبار الأول للثانى بأنه بصحبة الدكتور سعد موسى رئيس الحجر الزراعى وتمت مناقشته فى ذات الموضوع الذى دار بينهما سابقاً وأن المدعو/ سعد قام بفحص ذات النقاط التى تمت مناقشتها وأنه أبدى موافقته على بعضها والتحفظ على الأخرى وطلب الأول من الثانى التحدث مع المدعو/ سعد لحين عقد جلسة لمناقشة ذلك الموضوع، ثم دار الحوار بين أيمن الجميل والمدعو سعد موسى وتضمن طلب الأول تفعيل معامل الموانى نظراً لتأخر ورود نتائج العينات واستكمل قائلاً: «إحنا النهارده فاتحين الاستيراد من بلاد كلنا عارفين أن الاستيراد منها فيه أمباروزيا.. فمش معقولة فى مركب بتعدى ومركب مابتعديش.. يا إما نقول مانستوردش من أمريكا يا نتعامل معاها بشكل زى ما كنا بنتعامل معاها قبل 2010» فأجابه المدعو/ سعد بأن التشريعات الحالية تمنع دخول عينة يثبت احتواؤها على الأمباروزيا كونها «حشيشة» خطيرة جداً على البيئة والنباتات المصرية وأنه ليس لديه ما يمنع من مناقشة مقترحاته فى هذا الشأن عقب العرض على متخصصين بهذا المجال ومن الممكن تعديل القوانين ولكن فى صالح البلد ثم العرض على الوزير وتبين تداخل محيى قدح بالحوار قائلاً: «ممكن نعرض الرأى ومافيش مشكلة خالص» ثم استكمل المدعو/ سعد الحوار حول موضوع تحليل العينات واسترسل فى أسلوب شرح أخذ العينة وضرورة إرسالها لجهة بحثية متخصصة لاكتشاف الفطريات وتبين تداخل محيى قدح فى الحوار مرة أخرى قائلاً: «ننشئ فروع فى الموانى» فاستكمل المدعو/ سعد الحوار مشيراً لموافقته على ذلك المقترح على أن يتم تدعيمه من أيمن الجميل واتفق المدعو/ سعد مع أيمن الجميل على التقابل يوم الخميس لمناقشة الأمر لحين مقابلة الوزير ثم استكمل الحوار بين محيى قدح وأيمن الجميل وأخبر الأول الثانى قائلاً: «أنا بقترح أن احنا ننسق قاعدة يكون فيها الدكتور سعد والدكتورة جيهان ومتبقيات المبيدات كمان الثلاثة اللى هما مختصين بالشغل بتاعك.. وبعد كده نعرض على معالى الوزير فى يوم واحد.. بحيث يبقى قدامه وتاخد قرارات فى وقتها» فوافق الثانى على ذلك على أن يتم ترتيب الأمر بمعرفة الأول.



«فودة» لمساعد الوزير: «خليك بس فى الموضوع اللى قلت لك عليه» والثانى يرد: «حاضر».. و«قدح» لـ«فودة»: «فين يا عم الهواوى» والوسيط يرد: «موجود تعالى خده»

الهاتف الرابع

المستخدم بمعرفة السيد/ محمد محمد محمود أبورويشد فودة فقد وردت عليه المحادثات الآتية:

1- بتاريخ 22/5/2015 وردت محادثة بين محمد فودة ومحيى قدح تضمنت اتفاقهما على التقابل عند الأول الساعة السادسة والنصف.

2- بذات التاريخ السابق وردت محادثة بين محمد فودة ومحيى قدح تضمنت استفسار الأول عن مكان الثانى وأجابه الثانى بأنه بصلاح سالم وأمامه خمس دقائق للوصول.

3- بذات التاريخ السابق وردت محادثة بين محمد فودة وأيمن الجميل تضمنت إخبار الثانى للأول قائلاً: هما قرايبك داخلين على طمع ولا إيه.. طالبين حاجات جامدة أوى» فقال له الأول «ده أنا هناك أصلاً.. زى ما انت قلت لى.. للولد واخوه».

4- بتاريخ 25/5/2015 وردت محادثة بين محمد فودة وأيمن الجميل تضمنت إخبار الأول للثانى بأنه موجود بالزراعة وأن كافة الأمور تمام.

5- بذات التاريخ السابق وردت محادثة بين محمد فودة ومحيى قدح تضمنت إخبار الثانى للأول بأنه موجود بالماريوت وسيقوم بالمرور عليه عقب إنهائه أموره هناك ثم استفسر الأول قائلاً: «بقول لك إيه وعد الحر دين عليه» فقاطعه الثانى قائلاً: «خلاص يا حبيبى.. تمام» فقال الأول «مجلس الإدارة بتاع الأهلى وافق خلاص الحمد لله عليك.. محمود طاهر دخلها لك وخلصها لك فى المجلس التنفيذى وهانى كلمنى وخلاص عايز الورق بس لو جبت لى الورق النهارده» فقاطعه الثانى قائلاً: «الورق جاهز موجود.. أنا لو كان كده آجى لك» وانتهت المحادثة بالاتفاق على التقابل بناحية الدقى بجوار الوزارة الساعة العاشرة.

6- بتاريخ 26/5/2015 وردت محادثة بين محمد فودة ومحيى قدح تضمنت إخبار الثانى للأول عن رغبته فى السفر معه إلى مارينا فقال له الأول «بكرة نتقابل ونطلع بينى وبينك خميس وجمعة ونرجع السبت بالليل.. ولا نروح الجونة أحسن» فأجابه الثانى بالموافقة على أى مكان واستكمل قائلاً: «فى حاجة تانية والنبى عند شاكر عايزين نخلصها.. عند شاكر فى الكهربا» فأجابه الأول بأنه سيقوم بالاتصال بالمدعو/ شاكر أثناء وجوده مع الثانى وإنهاء الأمر.

7- بتاريخ 27/5/2015 وردت محادثة بين محمد فودة ومحيى قدح تضمنت إخبار الأول للثانى بأنه موجود بالقرب من الوزارة فأجابه الثانى بأنه فى طريقه للوصول.

8- بذات التاريخ السابق وردت محادثة بين محمد فودة وأيمن الجميل تضمنت استفسار الثانى من الأول هل تم صرف الشيك المصرفى البالغ قيمته 2٫5 مليون جنيه فقال له الأول «معرفش هما خدوه تسلموه أكيد اتصرف» فأخبره الثانى بأنه ورد إليه معلومة بإيقاف الصرف فقال الأول: «واقفين صرفه ليه.. لا دخّلوه واتحصل يا بيه.. بقول لك إيه يا باشا احنا النهارده حنخلص وحندفع كل حاجتنا يعنى على الأسبوع الجاى ده يكون احنا خلصنا مية فى المية كل حاجتنا.. يعنى النهارده كان ساعة الحسم.. حنخلص كل حاجتنا ونحقق الانتفاع لعشر سنين وسعّرناها.. طيب ما احنا واخدين شهادة منها يا ريس ومعاك صورة آه هما تسلموه.. طيب اقفل يا باشا أنا هناك».

9- بذات التاريخ السابق وردت محادثة بين محمد فودة ومحيى قدح تضمنت إخبار الأول للثانى بأنه على يوم الاثنين أو الثلاثاء لديه القرار اللى نفسه فيه واستكمل قائلاً: «بعت لك آنا البتاع ده ده بتاع اخوك.. التانى بتاعك الهواوى بتاعك التانى حييجى لى الساعة أربعة خمسة لأن مش موجود منه.. ومحمود طاهر لسة قافل معايا الاتنين يكون عندك حاجتك يا حبيب قلبى.. عدّى عليه فى الفورسيزون عشان تاخد الهواوى» فوافق الثانى على ذلك.

10- بتاريخ 28/5/2015 وردت محادثة بين محمد فودة ومحيى قدح تضمنت إخبار الثانى للأول قائلاً: «الولد شغال فيه وأول ما يخلص حيكلمنى علطول.. أنا عايز خدمة منك.. عايز أيمن يكلم لى عباس» فقال له الأول «أنا الحد الاتنين أكون مخلصها لك» واستكمل حواره وأخبر الثانى بأن المدعو/ أيمن زعلان منه لعدم تدخله لدى أحد الأشخاص أثناء اجتماعه معهم فقال له الثانى «سعد موسى لسة جاى الراجل ولسة متعين جديد فى الإدارة المركزية للحجر والراجل أول يوم جه خد الأوراق ودرسها وشغال عليها وآخر مرة أنا لسة مكلمه امبارح بالليل» ثم طلب الأول من الثانى قائلاً: «أرجوك اعمل لى الجدول والجوازات.. بتاعت اخواتك.. عشان نخلص من موضوع اخواتك والليلة دى بقى.. ده احنا رمضان خلاص الحاجات دى تخلص الدنيا تبوظ مننا تبقى الدنيا راحت».

11- بذات التاريخ السابق وردت محادثة بين محمد فودة ومحيى قدح تضمنت اتفاقهما على التقابل فى الفورسيزون وإخبار الأول للثانى بأنه لديه أخبار جيدة له سيعلمه بها أثناء التقابل.

12- بذات التاريخ وردت محادثة بين كل من محيى قدح وأيمن الجميل تضمنت استفسار الأول من الثانى عن أحد الأماكن الكائنة بدمياط فأجابه الثانى قائلاً: «المعامل مبنى فى دمياط بس مش مستغل.. ده بتاع الوزارة مش بتاعى» فأخبره الأول بعلمه بذلك وأنه يمكن استخدامه عقب الوقوف على ما يستلزم له من أجهزة.

13- بتاريخ 1/6/2015 وردت محادثة بين محمد فودة وأيمن الجميل تضمنت الاتفاق على المقابلة بحضور المدعو/ محيى وأحد الأشخاص لمناقشة أحد الموضوعات لعرضها على الوزير.

14- بذات التاريخ وردت محادثة بين محمد فودة وأيمن الجميل تضمنت إخبار الثانى للأول قائلاً: «أنا عندى 70 فدان أو 100 فدان فى دمياط.. دى أراضى كانت استصلاح مش زراعية.. عايز آخد الأرض دى أقلبها صوامع تخزين إيه الإمكانية.. صوامع ومصنع» فسأله الأول عن مصدر الحصول عليها فأجابه الثانى بأنه قام بشرائها من أحد الأشخاص والأخير اشتراها من الحكومة وأنه يرغب فى إنشاء صوامع تخزين حبوب ومصنع لتصنيعها، ثم تبين قيام الأول بالتحدث مع أحد الأشخاص لقبه بسيادة اللواء ودار حوار بينهما حيث أخبر محمد فودة المدعو اللواء بموضوع الأرض المذكورة وسأله هل الاستصلاح يتبعه فأخبره المدعو اللواء بأنه يمكنه إرسال أحد الأشخاص إليه للحصول على أوراق الأرض لتسليمها لهيئة الإصلاح الزراعى فوافق محمد فودة على ذلك ثم استكمل الحوار بين محمد فودة وأيمن الجميل وتضمن إخبار الثانى للأول عن سبب استفساره وهو التأكد من جدوى شراء الأرض حتى يتسنى له إقامة مشروع التخزين عليها وأفاد بأن تلك الأرض كائنة بطريق دمياط الدولى الساحلى فأخبر الأول الثانى قائلاً: «دى على فكرة دى فى إيد كمان الوزير خلى بالك».

15- بتاريخ 2/6/2015 وردت محادثة بين محمد فودة ومحيى قدح تضمنت اعتذار الثانى للأول لعدم الرد عليه وكذا إخباره الأول للثانى قائلاً: «النهارده بالليل تيجى عشان فى أخبار حلوة ليك ومش عايز حاجة منك.. يا عم الواد هشام امبارح كلمنى وقال لى المستشار مش عارف إيه» فقاطعه الثانى قائلاً: «ملكش دعوة بهشام.. امبارح اتكلف المستشار أحمد الطوخى هيمضى على اللجنة عشان شغل الناس ميتعطلش ثم استكمل الأول قائلاً: طيب بالله عليك عايزك فى حاجة حلوة».

16- بتاريخ 3/6/2015 وردت محادثة بين محمد فودة ومحيى قدح تضمنت إخبار الأول للثانى قائلاً: «كان عندى مشكلة امبارح.. بس الحمد لله طلع الجواز متجدد لغاية شهر عشرة 2015 بتاع منى.. شوف الصورة عاملة ازاى بتاعت ياسين.. أنا صورتها عشان خاطر خدت الموافقة بتاعتها.. ابعت لى بطاقتك وانا اخلصها مع عبدالودود مساعد الوزير.. دلوقتى فيه مشكلة هشام كلمنى مفيش مستشار قانونى يا ريس» فأجابه الثانى قائلاً: «امبارح كان معانا اللواء مهاب لحد بالليل لحد الساعة تسعة والوزير ادى له التعليمات لأن احنا كلنا اتفقنا على السبت قال له فلان الفلانى حيبقى موجود» فقاطعه الأول واتفق معه على التقابل غداً الساعة السابعة والنصف صباحاً كما أخبره قائلاً: «عايز اقول لك على حاجة الموضوع بتاعك حديد» ثم أخبر الثانى الأول قائلاً: «والله العظيم امبارح جايبه مخصوص ودخلت للوزير قلت له يافندم أمور الناس متعطلة» ثم أشار الثانى بأن شخصاً يدعى/ عمر ضاحى كان سبباً فى تعطيل العمل بالهيئة لتخوفه من التوقيع أثناء فترة وجوده وأن ما يتم إنهاؤه ما يتم «الضغط» فيه ثم طلب الأول من الثانى قائلاً: «الجدول اعمله لى ياباشا خلينا نخلص من موضوع الجدول».

17- بتاريخ 5/6/2015 وردت محادثة بين محمد فودة ومحيى قدح تضمنت إخبار الأول للثانى قائلاً: «اللى انت قلت عليه أنا نفذته لك وعملت لك اللى انت عايزه.. أنا بعمل لك أنا مفيش بينى وبينك مصلحة» واستكمل قائلاً «كان فى مشكلة.. انت غبى غباء يا أخى الكود دلوقتى فى السفارة السعودية بيعملوا كود.. الكود لو ما قراش يرجع تانى ويبقى مشكلة.. حلتها لك» ثم استكمل الحوار حول مناقشة إحدى الموضوعات المطروحة بالوزارة.

18- بتاريخ 6/6/2015 وردت محادثة بين محمد فودة وأيمن الجميل تضمنت طلب الأول من الثانى لرقم شخص يدعى/ هشام فاستفسر الثانى عن السبب فأجابه الأول قائلاً: «الراجل هناك بس بيقيس حاجات كده بيقيس الحاجات اللى كانت جت هو بنفسه خلى بالك.. وانت برضو كلمه عشان لو فى حاجة والنبى.. الراجل بنفسه هناك فجأة عشان هو مسافر الصبح» ثم قام الثانى بإعطائه الرقم.

19- بذات التاريخ السابق وردت محادثة بين محمد فودة ومحيى قدح تضمنت إخبار الأول للثانى قائلاً: «بشرفك ولا لأ فى لمح البصر.. بس أنا خلصت لك الحاجات بتاعتك عشان تعرف أنا أجدع منك».



«قدح»: «شوف الموضوع مع الراجل» و«فودة»: «ده فى رقبتى ورحمة أمى تمام» ومدير المكتب لـ«فودة» عن مقالاته ضد شيخ الأزهر: «طب ما تكتب حاجة بقى كده ليّا»

الهاتف الخامس

المستخدم بمعرفة السيد محمد محمد محمود أبورويشد فودة فقد وردت عليه المحادثات الآتية:

1- بتاريخ 21/5/2015 وردت محادثة بين محمد فودة ومحيى قدح تضمنت استفسار الثانى عن أخبار الأول واتفاقهما على التقابل نحو الساعة السابعة.

2- بتاريخ 1/6/2015 وردت محادثة بين محمد فودة وأحد الأشخاص وتضمنت إخبار الثانى للأول بأن موضوع الصوامع يحرر له طلب تغيير نشاط حيازة وذلك طرف الدكتور/ حسن الفولى رئيس هيئة الإصلاح الزراعى فقاطعه الأول قائلاً: «خلاص يبقى أخلى الواد محيى يبعت لى الطلب» ثم استكمل الثانى الحوار وأوضح أن الطلب يتم تحويله للجنة فنية لتحديد الأسعار فسأله الأول قائلاً: «طب لو كتبنا طلب باسم الوزير أن الحتة كذا يكتب عليها السيد حسن الفولى لاتخاذ الإجراءات اللازمة» فأجابه الثانى بإمكانية ذلك وأكد على رغبته فى الذهاب معه للمدعو/ حسن الفولى.

3- بتاريخ 7/6/2015 وردت محادثة بين محمد فودة وأيمن الجميل تضمنت إخبار الأول للثانى «ياباشا خلاص بقى.. الراجل جاى الأربع وواخدين معاد عشان خاطر اللجنة تروح هناك يبقى إحنا ماعندناش غير حاجة واحدة بس» ثم تتطرق الحوار حول مناقشة موضوع الأوراق الخاصة بقطعة أرض مساحتها 33 فداناً وطلب الأول بأن يرسل له الثانى تلك الأوراق بناحية الهرم، ثم استكمل الأول قائلاً: «أنا مبسوط منك انك أنقذتنى بالليل».

مكالمة النهاية.. «فودة» يبشر «الجميل»: «الحمد لله لجنة البت لسه موافقة.. إحنا 96٪ خلاص وهيبعت جواب الصبح للجنة التسعير»

الهاتف السادس

المستخدم بمعرفة السيد محمد محمد محمود أبورويشد فودة فقد وردت عليه المحادثات الآتية:

1- بتاريخ 28/5/2015 وردت محادثة بين محمد فودة وأيمن الجميل تضمنت طلب الأول من الثانى التحدث مع أحد الأشخاص ثم دار الحوار بين أيمن الجميل ومحيى قدح وتضمن إخبار أيمن الجميل لمحيى قدح قائلاً: «كان اللى قائم على الحجر الزراعى مدير عام المكتب جه واحد من أربع أيام أو من خمس أيام.. من يوم ما جه أنا اديته الحاجة واشتغل عليها والنهارده كان بعتها لى فى المكتب.. فى كام حاجة بيقول لى مش حينفعوا.. اللى هى بتاع أن العينات يعملوها هناك قلت له وهما ماعندهمش مشاكل أن هما يعملوا لك فروع فى قلب الميناء.. أهم حاجة يبقى فى الميناء الحاجة ما تتأخرش ما يستناش لما يودى لى العينة القاهرة» ثم استكمل الثانى بأنه سيناقش ذلك الأمر يوم السبت.

2- بتاريخ 30/5/2015 وردت محادثة بين محمد فودة وأيمن الجميل تضمنت إخبار الأول للثانى بأنه اعتباراً من اليوم ولمدة أسبوعين سيتم إنهاء الموضوع والحصول على العقد.

3- بتاريخ 31/5/2015 وردت محادثة بين محمد فودة وأيمن الجميل تضمنت بأنه غداً سيتم تحديد ميعاد اللجنة.

4- بتاريخ 1/6/2015 وردت محادثة بين محمد فودة وأيمن الجميل تضمنت طلب الأول من الثانى صورة العقد الخاص بموضوع الأرض وأشار إلى أن الموضوع تتم الموافقة عليه من الوزير وأن الأرض تتبع هيئة الإصلاح الزراعى وأكد على تسليمه تلك الصورة للاطلاع عليها وإعداد طلب بشأنها.

5- بتاريخ 2/6/2015 وردت محادثة بين محمد فودة وأيمن الجميل تضمنت إخبار الأول للثانى قائلاً: «أنا لسة طالع من الوزارة والحمد لله اللجنة لجنة البت لسة موافقة دلوقتى.. إحنا خلاص 96٪ خلاص بقى وهيبعت جواب الصبح للجنة العليا للتسعير».

المصدر: الوطن