بالفيديو-بسبب #أحمد_مالك أحمد بدير يطالب بحذف مشاهده في فيلم هيبتا

في مداخلة هاتفية في برنامج "العاشرة مساءً" مع الإعلامي والكاتب الصحفي وائل الإبراشي كشف الفنان أحمد بدير إنه لن يستكمل دوره في فيلم "هيبتا-المحاضرة الأخيرة" وذلك بعد ما فعله الممثل الشاب أحمد مالك من تصرف يسيء للشرطة، حسب قوله.

ووصف أحمد بدير تصرف أحمد مالك بأنه مهين ومسيء وتافه حقير، وعبر عن ندمه أن آخر أعماله السينمائيه كان مع أحمد مالك.

وقال أحمد بدير إنه طلب من الفنان أشرف زكي نقيب المهن التمثيلية أن يتحدث إلى شركة الإنتاج ويطالبهم بحذف كل مشاهده من الفيلم، وإنه سوف يقوم بإرجاع كل الأموال التي أخذها.

فقال" طلبت من الفنان أشرف زكي إنه يكلم شركة الإنتاج لأني مش موافق أطلع في مشهد مع إنسان يسيء للشرطة اللى حمتنا وبتدافع عنا وبتموت علشانا بهذا الشكل المهين، فأنا برفض كل اللي أنا صورته في هذا الفليم".

وتابع "مع الأسف كل مشاهدي معاه، وأنا كنت حابه جدا وهو ممثل هايل وكنت دايما بنصحه، بس مكنتش أعرف اللي جواه لو كنت أعرف كنت نصحته ميعملش كدا، مكنتش أعرف هو بيكره البلد والشرطة ازاي".

وأكد بدير رفضه الظهور في فيلم يظهر فيه أحمد مالك قائلا "يجيبوا واحد غيري يكمل ويمثل مشاهدي تاني، أنا مش عاوز ابقى في الفيلم دا".

وعبر أحمد بدير عن غضبه الشديد من كارهي الشرطة والجيش مطالبا بعقابهم،"احنا مع الأسف بنتهاون مع كل شخص بيخطئ في الشرطة والجيش والقضاء وبنسيبه مش بنحاسبه، لكن أنا موقفي ثابت ضد أي حد بيكره البلد دي فأنا ضده".وحكى الفنان أحمد بدير موقفا حدث معه في مهرجان قرطاج فقال" أنا في مهرجان قرطاج اللي فات كان معايا الفنان خالد أبو النجا ومسلمتش عليه لأن موقفي واحد ضد اللي يكره مصر، زي أبو تريكة أنا كنت بحبه كلاعب لكن بكرهه لمواقفه السياسية ولمواقفه ضد البلد، أنا كنت بدعي إنه ميتحكمش بالتحفظ على أمواله علشان كنت بحبه، لكن لما الحكم صدر كان خلاص ".

المصدر: فى الفن