محمد عادل إمام: «مش متخانق مع أبويا.. وخطيبتي مش بنت وزير»

علق الفنان محمد عادل إمام، على الشائعات التي ترددت حوله مؤخرا بشأن تحديده موعدا لحفل زفافه.

وكتب "محمد" على صفحته الرسمية على "فيسبوك": " فيه أخبار كتير بتنزل عنى الفترة دى ولا واحد منها صح ، وكلام كتير متقال على لساني أنا ماقولتش حاجة منه، أنا لا فرحي يوم 22 ولا أنا فى إيطاليا ولا متخانق مع أبويا ولا في مشاكل مع حد ولا خاطب بنت وزير، ولا بنت أخو رجل أعمال كبير ولا أي حاجة من الكلام الكتير اللى بينزل الأيام دي".

وأضاف إمام" أنا نفسي أعرف إزاى فيه واحد عنده ضمير بينزل خبر وهو عارف أنه مش صحيح وإزاى كله بينقل من بعض من غير مايتأكدوا وإيه كل الأخبار الغلط دي".

ثم كتب الآية: ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴾ صدق الله العظيم.

المصدر: صدي البلد