أعربت الفنانة إسعاد يونس عن حزنها لرحيل النجم سعيد صالح، بكلمات عبر صفحتها بموقع التواصل الاجتماعي "فيس بوك".
فكتبت إسعاد: "وانت عامل ايه يا سعدون عندك؟، وحشتني يا جدع، مبسوط؟، شفت حانّاظر؟، عملتوله استقبال حلو كده انت و زكاوه و يونس؟، اوعي تكون عامل دوشه للأستاذ فؤاد و الأستاذ مدبولي، آه، بلاش شقاوه بقي، عايز تتشاقي، عليك و علي بيدو و بيبو، فرغلي و بهجت، شكلك مبسوط يا حبيبي، و ماتنبسطش ليه؟،دانت ضحّكت و طن بحاله، مش حاتضحك من قلبك في جنة ربك؟".
وأضافت: "إحنا كويسين يا حبيبي، هنوده حلوه و شاطره و بتكارك في الدنيا، بت جدعه و مش طريه و لا خرعه، بنتك يعني، احنا بقي........ يعني......... مش فايتك كتير، بص، خليك انت في مُلك ربك الواسع، و اتنعم بالصحبه الهنيه، سيبك مننا، أحسن ممكن تتغم و تتعكر،لما نبقي نتقابل حانبقي نحكيلك، سلام يا صاحبي".
أضف هذا الخبر إلى موقعك:
إنسخ الكود في الأعلى ثم ألصقه على صفتحك أو مدونتك أو موقعك
كن أول شخص وأضف تعليق على هذا الخبر الآن!