الأخبار المصرية والعربية والعالمية واخبار الرياضة والفن والفنانين والاقتصاد من موقع الاخبار طريق الاخبار

الاخباراخبار مصر - اهم الاخبار المصرية › منشور بالتحرير:من هو أحمد شفيق؟

صورة الخبر: أحمد شفيق
أحمد شفيق

ازدادت موجة الغضب داخل ميدان التحرير اليوم للمطالبة بإسقاط أحمد شفيق رئيس الحكومة المصرية كذلك المطالبة بإسقاط الوجوه الوزراية القديمة
التي أدت اليمين أمام الرئيس المخلوع حسني مبارك وهم وزراء الداخلية والخارجية والعدل والانتاج الحربي.

كان السبب الرئيس في ازدياد هذه الموجة هو منشور يتم توزيعه داخل ساحة الميدان تحت عنوان "من هو أحمد شفيق" كتب فيه نصا:

من هو أحمد شفيق؟

ـ تسبب في زيادة المديونية بإقتراضه مليارات ليبني المطارات ولم يكوّن نظام العمل فهربت الشركة الاجنبية.

ـ يقوم بتسريب المناقصات علي لأصدقائه واخطرهم مجدي راسخ منذ كان في القوات الجوية.

ـ من اشد المدافعين عن محمد ابراهيم سليمان وزير الاسكان الاسبق لانه قام بإعطائه أراضي بالتجمع الخامس ليبني عليها قصورا له ولأولاده.

ـ تستر علي الطيار سمير عبد المعبود رئيس سلطة الطيران المدني السابق الذي أدانته النيابة والرقابة الادارية بالرشوة وبذل جهودا كبيرة لدى رئيس النيابة الادارية لإغلاق القضية.
ـ قام بتقديم خاتم قيمته 750 الف جنيه هديه الي سوزان مبارك من ميزانية تنشيط المبيعات بمصر للطيران.

احمد شفيق وهتلر طنطاوي وابراهيم سليمان جيران في مساكن في مربع الوزراء بالتجمع الخامس في منازل اقيمت علي اراضي قام الاخير بتخصيصها لهم.

قام بتعيين أصدقائه وزملائه بالقوات الجوية في مناصب مختلفة بوزارة الطيران ومصر للطيران وخصص لهم مرتبات عالية مما اصاب العاملين الاصليين بالاحباط وعدم الانتماء.

من أين لك هذا يا شفيق؟

ـ ثلاث قصور بالتجمع الخامس.

ـ منزل بباريس.

ـ قصر بمارينا.

ـ اللواء طيار مجدي الوزيري عينه احمد شفيق رئيسا لقطاع الامن بوزارة الطيران المدني ورئيسا لقطاع الامن بمصر للطيران في نفس الوقت"يعني بيفتش علي نفسه" لان الوزارة هلي التي تراقب الشركات.

ـ قام بتعيين الطيار سامح الحفني وهو طيار بمصر للطيران ويتقاضي مرتبه منها رئيسا لسلطة الطيران المدني التي تقوم بتفتيشات السلامة علي شركات الطيران ومنها مصر للطيران وهذا مخالف للقوانين الدولية والمحلية لانه لايجوز ان تكون هناك مصالح مادية بين المفتش والجهة التي يقوم بالتفتيش عليه.

ـ باع عدد من طائرات مصر للطيران واتي بطائرات مستأجرة ووضع الشركة في مأزق تدبير الايجار الشهري ليتباهي بأنه زود عدد الطائرات بينما هو في الحقيقة قلص اصول الشركة.

ـ والمصيبة الكبري كانت في اقليم مصر للطيران بباريس الذي انفق7 ملايين جنيه تقريبا علي هايدي راسخ زوجة علاء مبارك وخديجة الجمّال زوجة جمال مبارك لتغطية نفقاتهن في باريس وتفنن شفيق في تسوية هذه المصروفات علي انها امور تخص مصر للطيران واعترض مسئول الرقابة الذي اكد هذه المعلومات ووصل الامر الي نقل المسئول من عمله.

الي جانب امور اخري في المنشور الذي اختتم نصا"هل هذا هو من نثق فيه انه سوف يقاضي ويطارد المرتشين ..اخي الفاضل هذه ليست حكومة تسيير اعمال انها حكومة تهريب لموال وللتحقق من الدلائل طالع الفيس بوط علي صفحة "ضد الفساد".

كان الغريب في الامر ان المتظاهرين استقبلوا هذا المنشور دون الوقوف علي اي حقيقة فازداد الغضب وطالب بعضهم الفريق احمد شفيق بالرد علي تلك التهم لعد اثارة الشك والقلق في نفوس المصريين خاصة هذه الايام العصيبة في تاريخ البلاد.

المصدر: الوفد / صلاح شرابى

قد يعجبك أيضا...
loading...

أضف هذا الخبر إلى موقعك:

إنسخ الكود في الأعلى ثم ألصقه على صفتحك أو مدونتك أو موقعك

التعليقات على منشور بالتحرير:من هو أحمد شفيق؟ (25)

nour | 20/6/2012

حرام عليكو كفاية تجريح فى الفريق احمد شفيق مش معنى انه كان على عهد الرئيس السابق يبقى حرامى أنا شايف انه أصلح واحد لقيادة البلد لازم يكون فى اثبات مادى على الكلام فى حق هذا الرجل حرام عليكو هتتحاسبو على اللى بتقولوه

tarek shehap | 26/5/2012

وادى اللينك http://www.businessinsider.com/worst-airlines-in-the-world-2010-12#9-egypt-air-2 مصر هتبقى اسؤ عشر دول في العالم علي ايد شفيق

مصرية | 4/3/2011

يارب أرحمنا احنا فى زمن يخون فيه الامين ويؤتمن فيه الخاين ؟دلوقت احمد شفيق بقى فيه العبر ليه مش بتتكلمو على البرادعى والى زيه؟

محمد ابو جلال | 4/3/2011

حسبنا اللة و نعم الوكيل

h | 4/3/2011

سبحان الله هو الاعتراض علي الشخص نفسه ولا علي شغله بما انه لسه ماشفناش منه شغل .. يبقي بس الاعتراض علي انه من تعيين مبارك احنا في مرحله حرجه وبكده عمرنا ماهنتقدم وكل مسؤل جديد هنختلف معاه لحد مانرجه مليون سنه للخلف اكثر ما احنا متخلفين عن كل بلاد العالم

سيد صديق محمد | 2/3/2011

كفاكم افتراءات لقد جعلتم كل المسئولين فاسدين وخونتوا كل المصريين ارحمونا ونبدأ نعمل لبلدنابلدنا سوف تسرق منا لو الجيش مارجعش مكانه ولو طال هذا سوف ننكر طلباتكم بالتغيير ونعتبرها فوضى وناس فاضية وملهاش كبير يلمها

ahmed | 2/3/2011

رساله الي الاخ صاحب المقال اذا كان لديك ولو مستند واحد ارجو نشره (نحن الان علي ارض خصبه تنبت عليها الشائعات )

ايمن | 2/3/2011

اتقوالله واتركو مصر تعيش كفايه خراب مصر بتتولد من جديد لاتضيعو حق الفقراء مش كل واحد فاضي شويه عايز يغير فلان علشان هو مش عجبه ياريت كل واحد يبدا بنفسه ويعمل حاجه تفيد مصر مثال واحده عملت اعلانات علي النت لجلب السياحه في مصر وعلمات زملائه يعملو زيها هي دي اللي بتحب مصر ياريت نفكر زيها ونعمل احسن منها وليس تضليل الناس واحظرو الفتنه كل الدول العربيه حدث فيها مظهلرات في وقت واحد ؟؟؟؟ ممكن تكون دي الحرب البارده؟؟ لااكن احنا مش عيزين نبص للامام...........يارب ارحمنا برحمتك وارفع غضبك عنا .. امين يارب

احمد | 2/3/2011

ياجماعه عيب بلاش كده, العيب الوحيد في الراجل ده انه جه في التوقيت الغلط . وعلى فكره الراجل ده بيحب البلد اكتر من اي حد زي و زيك ياريت نقف جنبه و جنب الشرفاء اللي عاوزين يطهروا البلد

محمد | 1/3/2011

يا جماعة حرام عليكوا الراجل زى الفل وشايف شغلوا كويس سيبوه يشتغل دا هما 6 شهور عمى الراجل مضحى بسمعته وسايب الناس تتكلم عليه علشان خاطر مصر...اتقوا الله من هذه الشائعات.

kymo | 1/3/2011

لو ان هذا الكلام عليه أثبات يعنى أن الفريق أحمد شفيق مش من المفسدين دا يبقى من الخونه اللى بيدمروا البلد وعموما هو لوكان حابى النظام السابق أهو النظام حرقه زى غيره من النتفعين والمنافقيىن اللى هيترقوا بأيادى الشعب وشبابه وأنشاء الله فى نار حهنم وبئس المصير وحسبنا الله ونعم الوكيل ياريت لو أمكن الى بيتهم حد يبقى مستند واللى بيتهم يبقى معاه دليل مقنع وميتعلاش ويبرء ساحته

اللهم ولى أمورنا خيارنا ولاتولى أمورنا شرارنا | 1/3/2011

اللهم ولى أمورنا خيارنا ولاتولى أمورنا شرارنا....ولابد أن تتأكد من الأخبار قبل أن نتحدث بها حتى تستقر البلد لكى لا يحدث فتنة وهذا مايسعى له بعض النفوس الضغيفةالسفيهة التى لاتفهم شئ (وأن شاء الله نحن فى رباط الى يوم الدين) اللهم أحفظ لمصر أمنها وأستقرارها....أمين

belal | 28/2/2011

معقول ومنطقى جدا ان يثبت المدعى ما قام بنشرة وان يثبت شفيق نزاهتة وبرائتة قبل ان نكزب اونصدق

عماد احمد عبد الرحيم | 28/2/2011

الراجل ده ميه ميه لما كان ماسك الخارجيه كانت مصر ليها هيبه وكنا ندوسوا علي رقبة التخين وكان لينا كرامتنا بلدي وان جارت علي عزيزة واهلي وان جاروا علي كرام

مصرى | 28/2/2011

أيها الأخوة الأعزاء ليس من الحكمة تصديق اى كلام يقرا من جريدة عن احد بمجرد قراءتها ونحولها الى حقيقة مسلم بها من الأولى تحرى الدقة والتأكد من الخبر حتى يتم الحكم على الشخص وإدانته وأنا لا أدافع عن احمد شفيق أو غيره والثورة هدفها العدل وعدم الظلم فلا يجب ظلم احد بمجرد قراءة خبر فى جريدة ولم يصدر ضده اى أحكام أو حتى اتهام والثورة تنادى بالحرية فى التعبير فلا يجب أن نصف من اعترض على شيء أثناء المظاهرات بسبب مايسمعة ويراه فى وسائل الإعلام بأنه عميل وخائن ولم يكن مع الثورة ويدافع عنها ونطالب برجمه ومحاكمته -الحرية ان تسمح لغيرك بأداء رأيه وهو بكامل حريته وان اختلف معك لا تعتبره عدوك وإلا سنكون نحن مثل ماقبل الثورة ليس هناك ديمقراطية وحجب آراء الآخرين ولا نسمع إلا لأنفسنا وفرض اننا صح والآخرون مخطئون العزة لمصر وشعب مصر دائما حرة سباقة تعلم الآخرون كيفية الوصول للحرية

حسبى الله ونعم الوكيل | 27/2/2011

والله اللى يوزع فلوس مش فلوسوه ويدى دا ويجامل دا مش على حسابه ودا طبعا طبع اللى كانوا بنظام بدون استثناء كلهم كدا عشان يعرف يعيش معاهم متقنعنيش انه يكون فى واحد فى وسطيهم كويس ولا عدل لو كدا مش ممكن يكون فى مركز سنة بحالها يا يستقيل يا يحاولو يعزلوه هما الفاسدين كدا بيدافع عن بعض وبيحلموا بعض وميقبلوش فى شخص مظيف قى وسطيهم واكيد هو زيهم طالما كان فى وسطيهم هو فيه خير دا دا احمد شفيق قبل موقعة الجمل قال اللى فى ميدان التحرير برقبتى لو حصلهم حاجة وبعد يومين حصل اللى حصل من قتل الناس مش هو كان رئيس وزرا ومسؤل ولا ابعثلهم بنبونى بلا خيبة كلهم زفت

emad abdo | 27/2/2011

البينة على من ادعى واثبت والنائب العام موجود ومفيش حد فوق القانون وقولنا اول اختبار ليه فعلى اتفاقية مياة النيل سيبوا الناس تشوف شغلها والايام هاتسبت

عرفات الجمل | 27/2/2011

الصراحه الكلام ده كله مش مقنع خالص وعيب التشويه فى الراجل بالشكل ده مش معنى ان الراجل مش على هواك تطلع تتكلم عنه كده

شريف | 27/2/2011

أدعو كل شخص إلي العمل بجد وألتزام وعدم ترديد الكلام علي الفاضي والملا ئن وتك مرديدي الشاعئات

د . يحيى السيد | 27/2/2011

نحن في زمن رديء نلقى التهم دون التحقق ونتناقلها بدون تبصر ، أنا لاأدافع عن شفيق أو غيره ولكني أدافع عن الدين والأخلاق المصرية وأن لاننساق وراء كلمات يكتبها كاتب ربما تكون صحيحة أو وراءها مآرب أخرى ، لو دخلنا هذا النفق المظلم فلن نخرج منه أبداً ، وستضيع مكاسبنا ، إنني أرى الفتنة تطل برأسها ، فليحفظنا الله وليحفظ الله مصر

عبدالله | 27/2/2011

بجد يا جماعه الراجل ده ادان هيئه ميناء القاهره الجوى بملاين الجنيهات وبجد دا يعتبر للرئيس المخلوع احد اهم الانصار ليه وبجد وضرورى جدا انه ميعدش فى الوزاره لانه بكده احنا معملناش حاجه وهيضيع حق الناس اللى ماتو هدر وهيحاول اخفاء معلومات كثيره عن فساد ناس كتيره جدا فى البلد لانه دا يعتبر من احدا الخيوط اللى بيلعب بيها النظام السابق وبجد لازم يتاخد رد فعل سريع واحنا هنا فى المطار بنحاول عمل مظاهرات واعتصامات للاطاحه بانظام العسكرى اللى موجود عندنا فى المطار لانى لو دول مشيو يبقا وقعنا احمد شفيق وارساله للمحاكمه لانى دول اللى منعينا من اعلان فضائحه وفضائحهم ولما يمشو بازن الله وقريب جدا هيبان احمد شفيق علا حقيقه والله الموفق لنا جميعا

nabil | 26/2/2011

يمكن يتغير يا اخونا دا لو كان كده فعلا و لبينة على من ادعى

الاطرش | 26/2/2011

علشان كده لابد وان يكون رئيس وزراء والا الناس عاوزه تعرف كل البلاوى واحد بس يكفى والباقى لازم يكونوا كده ولو لم يعمل كده كان هيكون رئيس وزراء وكمان هو اللى يجيب اللى حوليه

AHDYHALEEM | 26/2/2011

مسكين ها الشعب الاصيل اتكتب علية يكون مقهور ومش فاهم اى حقيقة ولا مين معاة ولا مين ضدة لما بقينا عاملين زى الاطرش فى الزفةحرام عليكو كفاية بقا نفسنا نشم هواء نظيف خالى من الفساد والرشوة والمحسوبيات وحسبى اللة ونعم الوكيل فى كل من ظلم منكم للة نعمل اية علشان نتخلص من اصول الفساد يعنى نولع فى نفسنا علشان ترتاحو ولا نهاجر من البلد علشان تفضالكم وتنهبوا فيها كما يحلو لكم بصراحة الموت هيريحنا من اشكالكم الفاسدة اللى مش هتبطل فساد ابدا وحسبنا اللة ونعم الوكيل مفيش راجل فى هذا البلد يخاف ربنا ويحكمنا بشرع اللة لا حول ولا قوة الا باللة

رومانسى حنووون | 25/2/2011

ربنا يو لى من يصلح امين اللهم خر لنا واختر لنا ودبر لنا فى امورنا فاننا لاا نحسن التد بير امين

أضف تعليق

أكتب تعليقك
إسمك
البريد الإلكتروني

لن يتم إظهار بريدك الإلكتروني مع التعليق

الرقم السري
95599

من فضلك أكتب الرقم الظاهر أمامك في خانة الرقم السري

حمل تطبيق طريق الأخبار مجانا
استطلاع رأي طريق الأخبار
أرشيف استطلاعات الرأي

استطلاع رأي طريق الاخبار

أهم توقعاتك لمستقبل مصر بعد تنصيب السيسي؟

إظهار النتائج

نتائج استطلاع رأي طريق الاخبار لا تعبر عن رأي الموقع انما تعبر عن رأي المشاركين في الاستطلاع

إرسل إلى صديق
الأكثر إرسالا
الأكثر قراءة
أحدث الاخبار العربية والعالمية
-
-
-