الأخبار المصرية والعربية والعالمية واخبار الرياضة والفن والفنانين والاقتصاد من موقع الاخبار طريق الاخبار

الاخباراخبار مصر - اهم الاخبار المصرية › الشروق: ثوار 25 يناير ينظمون مسيرة إلى شرم الشيخ لمحاصرة ومبارك واسرته

صورة الخبر: الرئيس السابق حسني مبارك
الرئيس السابق حسني مبارك

ذكرت جريدة الشروق المصرية أن عددا من الائتلافات وتحالفات ثورة 25 يناير سوف تنظم مسيرة بالسيارات الأسبوع المقبل تنطلق من جميع المحافظات في اتجاه شرم الشيخ؛ حيث يقيم الرئيس السابق حسني مبارك للمطالبة بمحاكمته هو وأفراد عائلته على ما ارتكبوه في حق الشعب المصري.

وأضافت الجريدة في خبرها المنشور في صدر عددها الصادر يوم الاثنين 22 فبراير؛ أن عدد من شركات السياحة والنقل قد رحبت بالفكرة، ووعدت بتوفير أتوبيسات نقبل جماعي لنقل الثوار الى مدينة السويس – نقطة الالتقاء - لينضم إليهم هناك ثوار المحافظة ومنها الى شرم الشيخ لحصار قصر مبارك هناك.

وكان عدد من أعضاء حركة 6 ابريل قد دعوا بشكل فردي لتنظيم مسيرة اليوم. وهو ما لم يلق قبولا عند باقي ائتلافات وتحالفات الثورة.

المصدر: عرب نت 5

قد يعجبك أيضا...
loading...

أضف هذا الخبر إلى موقعك:

إنسخ الكود في الأعلى ثم ألصقه على صفتحك أو مدونتك أو موقعك

التعليقات على الشروق: ثوار 25 يناير ينظمون مسيرة إلى شرم الشيخ لمحاصرة ومبارك واسرته (37)

diaa | 1/3/2011

من منكم بلا خطيئة فليرميه أولاً بحجر .. اذا انتهت المحبة بالثورة .. انتهت مصر

الباشا الكبير المصرى | 1/3/2011

انا طبعا متأكد ان ولا يوجد واحدة ولا واحد فاضيين قوى للدرجة دى عشان يروحو كل المسافة دى وممكن يباتو برا بيوتهم الا اذا كانو حاجة من اتنين يا اما فى ناس موجهاهم ومدياهم فلوس عشان يعملو كدة يا اما عالم مش محترمة ومعندهاش اهل لان انا لو ليا اهل بيخافو عليا او مسئولين منى مش هسيبهمو اعمل كدة

enas | 1/3/2011

مبارك مش مصر والثورة قامت علشان ميباش ابونا علشان نحكمة ايوة عايزة نبنى مصرونعمرها بس نححححححححححاكم الريس المخلووووووع ارحمونا بقى ياحزب ياوطنى

اميره | 1/3/2011

القوات المسلحه سايبه الاولاد دي ليه تشعي في الارض فسادا- ولا مطلوب مننا نخرج بنفسنا ونادبهم ونقوم حريقه في مصر وتبقي حرب اهليه- اكيد ده هدف الولاد بتوع التحرير دلوقتي- ايه قلت الادب دي- هما حيمشوا البلد علي مزاجهم ولا عشان سقفنالهم يوم بقت كل الايام بتاعتهم- يابتوع التحرير اتقي شر الحليم اذا غضب- اتقي شر 80 مليون صابرين عليكم لانكم اولادنا ان كنتم فعلا اولادنا واخواتنا ومتفتحوش علي نفسكم طاقه جهنم من كل اللي وقفوا جنبكم

المصرى | 1/3/2011

كفايه بقى لو بتحبو البلدبجد دا مش الحل كفايه عليه كدا

te7a | 1/3/2011

هقول حاجه من لا يحترم صغيرنا ولا يوقر كبيرنا فليس منا دا كلام رسول الله صلي الله عليه وسلم........... وحابب اقول بردو ليهم اتقي الله ...والله انتو فعلا كلمنجيه وكلكم كدابين على نفسكم وعلينا اللى بيقول واللى بيعيد مسمعناش صوت اهلك ليه قبل الثوره وانا ضددها وانا ولا وطني ولا اخوان بس حابب اقولكم من بنيا على باطل فهوا باطل والريس اللى بيمسك بلد بيكون من اعمال اهلها مش هيجلينا ملاك واتقو الله ربنا ينتقم منكم ومش عايز حد يتكلم بااسمي ولا باسم عيلتي ..حسبي الله ونعما الوكيل انا مش مسامح حد اساء لبلدي ولي رئيس بلدي

doda cat | 28/2/2011

انتو مين عشان تقولو ان مبارك يمشى من البلد هو غصب عنكم ابن مصر وده مواطن مصرى مش من حق حد يتكلم فى كده كفايه خرابتو البلد وانا لااعترف اللى بشهداء اكتوبر فقط اللى مسكو سلاح قدام العدو ورجعو بلدنا لينا مش اللى خرابو البلد

مصري | 28/2/2011

عيب بقي احترمةا نفسكو يعني ايه تحاصروه؟ ده الان مواطن مصري زينا و القضاء هو الي حيحاسبه مش احنا

مصري حر | 28/2/2011

أكيد دول مخربين هدفهم تدمير مصر والسياحه ، مش مبارك ولا غيره ، اتقوا الله في بلدكم واهمدوا بقه وشغلوا مخكم اللى لغيتوه وبقيتوا تمشوا ورا شوية عملاء هدفهم تخريب البلد وخلاص

احمد | 28/2/2011

يعنى الراجل قال انا مش هسافر بره و هخلع زى غيره و اختار انه يعيش لحد اخر يوم فى عمره على ارض مصر ... يقوم شوية المعاتيه دول يعملوا كده ؟؟؟؟ بجد بجد بجد العملية قلبت قله ادب ولا هيحترموا شرطة بعد كده ولا هيحترموا جيش وكل حاجة هتكون بالدراع و البجاحة

علاء | 28/2/2011

يا جماعة احنا لية بنفتكر الحاجة الوحشة ونسيب الحاجة الحلوة هيا لما تقع البقرة تكتر سكاكينها الرئيس مبارك اعظم ريس كفاية انة موفقش على ان تكون فى مصر اى قواعد اجنبيةالراجل دة حقة علينا كلنا واحنا لازم نكرمة الرسولا ص قال ليس منا من لم يحترم صغيرنا ويوقر كبيرنا ص

أحمد الشرقاوى | 27/2/2011

ماعلينا من الثورة وشبابها اللى ضاعوا ماعلينا من المرضى اللى ماتوا عشان مالقوش ثمن العلاج ماعلينا من كل شاب ملقاش أمل فى بلدة وسافر برة يبحث عن الامل وفى النهاية مات غرقان ماعلينا من كل ام إتعذبت عشان تصرف معاش جوزها ماعلينا من علاج نفقة الدولة اللى محدش عارف هو من حق المواطن ولا الممثلين ماعلينا من الاجور ماعلينا من الوسايط ماعلينا من الرشاوى ماعلييييييييييييييييييينا من الداخلية ياجماعة الراجل دة مهما كان (كان رئيسنا) أترك لكم الحكم

اشرف | 27/2/2011

ان اللة يغفر لمن يشاء! كم عدد الشهداء مقارنة بلبيا رحمهم الله جميعااية مفيش رحمة ياخوفي توقع مصر عليكم واحنا معاكم

sam | 27/2/2011

ان انتصار الثورة في مصر واستكمال تحقيق مطالبها كاملة دون استثنى يعطي لثورات العربية زخم وقوةفهي ثورة الشباب الذي عاش مهمشا مقهرا تحت سيطرة كهول العرب الذين اذاقونا الامرين والذل ع الصعيد الداخلي والخارجي فثورة ثوره ع كهول الامة العربية

حسين مصرى | 26/2/2011

تحية لقواتنا المسلحة الباسلة تحية لمجلس وزراء مصر من ابناء مصر الشرفاءتحية لشبابنا تحية لكل من بذل جهدالنجاح الثورة الشعبية فى مصرواتركوا المسئولين يعملوا كلا فى موقعه لاتعطلوا التقدم بافعال مندثة من فئة يعتريها الشذوذ والانقضاض على الثورة الشريفة التى قام بها ابنا ء مصر الشرفاء لاعليتا محاسبة احد وانما هو على الذين تولوا امرناويسالهم الله عن ذلك وولكن الاسلوب الهمجى نركب سيارات ونهاجم ونحاصر من يفعل ذلك الاكل من فقد عقله ولم يكبح جماحهوضرب عرض الحائط بالسلطة والمسئولسن اتبغونها عوجاردوا الامر الى اولى الامر منكم والله رقيبهنحن نرى انهم لابدخرووسعا فى اتخاذى اجرا ء لصالح الشعب لانهم هم من الشعب ولن يفسدوا الحياة يوما ولم يثبت فى حقهم ذلك فلماذا تهتز الثقة بهم ونهكون مولعين بالتخريب والسب والقذف اتمنى ان يراجع كل منا نفسه اين كنا منذ شهر واين نحن الان واتركوا الامر لصاحب الامر والله الموغق

sam | 26/2/2011

ثورة الفراعنة المجيدة يجب ان تحسم امر مبارك بطردةمن البلاد ومحاكمتة علنا ليكون عبرةوهذه اول مطالب الثوره والتي لم تتحقق الى اليوم؟؟؟؟

وفاء | 25/2/2011

والله الي المشفق ارد عليه واقوله بلاش تمثيل ما يموت ولا يتحرق حتي هو كان عملنا ايه يعني الله ينتقم منه لسه بتوع الحزب الوطني فاكرين انهم يمكن يقضي علي الثوره عشم ابليس في الجنه والله يحمي بلدنا منكم امين

الحكيم المصري | 24/2/2011

دعونا نعمل فى صمت

مشفق | 24/2/2011

حرام عليكم دا زى ابوكم حتى لو كان عمل اعمال وحشه ربنا هيحاسبوا حساب عسيرارجوكم ارحموه دا هيموت ارررجوكم

هدى حسين عشماوى | 24/2/2011

انا لو كان عندى سيارة كنت اطلع معاكوا

EMAD | 24/2/2011

الملك فاروق باع البلد ولعب قمار بفلوسنا ومع ذلك عند خروجة من مصر تم طوصيلة الى الميناعلى انغام السلام الوطنى المصرى لةولم يهان رجاء كفاية اهانة لنفسنا العالم كلة شمتان فينا والدول المعادية تتربص بنا اعطو فرصة للاعلى للقوات المسلحة وللفريق احمد شفيق لتطهير هذا البلد من الفساد والمفسدين وربنا يستر على هذا البلد

عبدالمنصف صلاح محمد | 24/2/2011

أنا عجبنى تعليق الأخت شيماء يعنى لو مات الرئيس هتروحوا عند قبره وتتظاهروا ( فكرتونى بتبرعوا لبناء نفق شبرا .. بنينا النفق وباقى شبرا .. بنينا شبرا وباقي بنينا ) بجد والله إنكم فاضيين . أعظم تحية لأبوعلاء بطل الحرب والسلام أطال الله فى عمره رمزا عزيزا على صدر كل مصرى ( مش عشان إبنى قليل الأدب فعائلتى كلها وجيرانى غير مؤدبين . وأسعد الله صباحك ومسائك يابوعلاء/سيادة الرئيس

ولاء | 23/2/2011

لا يقول أحد كبيرنا ولا يقول أحد كفايه ومن يقول ذلك ظالم مثل الزعيم الذى فضل الكرسى والبقاء على جثث شعبه ومبارك ليس ملاك ولا يستحق الرحمه لانه لايعرفها

بحبك يا مصر | 23/2/2011

مبارك هو مصر ومصر هى مبارك

خالد عوض | 23/2/2011

يا ناس اتقوا الله فى افعالكم اتركوا التحقيقات تقوم بدورها ومهما كان ده كان رئيسنا ولا نحكم على اى احد حتى نعرف ان كان ظالم ام لا اتقوا الله

خالد عوض | 23/2/2011

جيد

عبد الحليم | 23/2/2011

اناشد الاعلى للقوات المسلحة بغلق النفق وارجاع الموتورين عن هذا الفعل السياحة تقتل واحناماصدقنا الدول خففت حذر السفر لمصر دى فكر الاخوان انتوا شافين القذافى بيعمل ايه فى شعبه مش سكتناله دخل بحماره مبارك حقن الدماء راجل محترم اما العقيد بيقول على نفسه زعيم ثورة امال مبارك ابن الموسسه العسكريه يبقى ايه!!!!!!!

محمد | 23/2/2011

اذاكان هو لم يرحم الصغير قبل الكبير كيف يطلبون له الرحمةمعتقلات اقول لكل الذين يدافعون عن هذا الرجل سوف تسؤلون يوم القيامة عن ماذا فعلمتم للذين قتلو بعلمه او بغير علمه فهو المسؤل امام الله كيف سيجيب حسبي الله ونعم الوكيل

عبدالمنصف صلاح محمد | 23/2/2011

أظن لحد كدا وكفاية . نفسنا بأه الزحف يكون على الشغل وأعتقد إن الجيش والأصول لاتقبل مثل هذه الأوضاع وإلا نقول فعلا خربت بلدنا . والنفخ فى النار بيذيدها بسى بتخلص بسرعةوتفقد رونقها حكموا العقل وخلينا مؤدبين. النائب العام صدر أمره وسيادة الرئيس كان ومازال رمزا لنا وفخر لناوملتزم بما أمر به النائب العام ولا إزحفوا على النائب العام كمان ياشباب فى أيدى خفيه تحب سحبكم بعيد عن ساحتكم إفهموا بأه الله يهديكم ( خلينا محترمين ولا تتسببوا فى فتنه وكراهية بين طوائف الشعب).ولاتتسببوا فى إحراج للجيش أكتر من كدا هؤلاء لهم طاقة تحمل لانهاية لها بس تربوا على الحزم والصرامة(بالبلدى مابيحبوش الدلع)

وحيد الدينارى | 23/2/2011

إللى ما لوش كبير بيشترى له كبير. يا يريت يكون عندنا شوية أخلاق ولكن كل شئ يؤكد أن معظم المصريين فراعنة ولا يفهمون معنى الحرية الحقيقى وأتمنى لو أن هذا حقيقى أن يتدخل الجيش ويمنع هذا بالقوة لأن الأمور زادت عن حدهاوايريت ننتبه لبلدنا شوية ولا نلقى بمزيد من المشاكل والأعباء على كاهل المجلس الأعلى للقوات المسلحة أعانها الله على هذا الشعب الفرعون.

ابو مى | 23/2/2011

أريد أن اسألك سؤال ياسيد مبارك لماذ فعلت بنا كل مافعلته من سرقة سواء مباشرة أوغير مباشرة ولماذا سكت أوقمت بحماية الفساد والفاسدين هل انت لاتعلم انك ميت وسوف تحاسب على هذا كله (حسبى الله ونعمة الوكيل

شيماء | 23/2/2011

فى ايه يعنى لو مات حتقولو نروح نعمل مظاهره عند قبره ---ارحمو نفسكم بقى -- ورانا حاجات كتير اهم البلد عاوزه تتبنى من جديدوالفساد ذيوله كتييير ورانا شغل ياما

ahmed rahmy | 22/2/2011

مش كفاية الخراب اللى حصل فى البلد كمان رايحين تخربوا فى شرم الشيخ مصدر السياحة الاول احنا ماصدقنا الدول بدأت تخفف الحظر على السياحة لمصر منكم لله ذنب كل المصرين اللى انقطع عيشهم فى رقبتكم انتم اللى ظلمة وتستاهلوا ضرب النار

امل | 22/2/2011

هو ده اللى هيرضى غروركم ده ربنا اسمه الرحمن

ام مريم | 22/2/2011

كفاية اهانة للراجل دة لحد كدةهو مصرى عمل الكثير لخدمة هذا البلد لابد ان نذكر لة كل خير عملة لهذا البلد و لا بد من تكريم هذا الرجل العظيم

هشام | 22/2/2011

هل تعلم ماذا تقول لربك وأنته قريب للذهاب إليه هل تعلم بأن هناك لايوجد محسوبيه

ليلى | 22/2/2011

نحن نرفض هذا التصرف الغير اخلاقى ولا احد يقبل بهذا التصرف هو انسان وكل واحد منا بيغلط ولا يجوز اهانت هذا الانسان اكتر من ذلك وانا ادعو بعدم الذهاب الى شرم الشيخ والريس استقال زى ما طلبته مع ان معظم الناس ضد استقالته وهو قدم الكثير لهذا البلد والواجب علينا ان احنا نكرمه فى نهاية ايامه ومنهنوش بهذا الشكل ( قال رسول الله صلى الله عليه وسلم ليس منا من لايرحم صغيرنا ويوقر كبيرنا صدق رسول الله صلى الله عليه وسلم)

أضف تعليق

أكتب تعليقك
إسمك
البريد الإلكتروني

لن يتم إظهار بريدك الإلكتروني مع التعليق

الرقم السري
53992

من فضلك أكتب الرقم الظاهر أمامك في خانة الرقم السري

حمل تطبيق طريق الأخبار مجانا
استطلاع رأي طريق الأخبار
أرشيف استطلاعات الرأي

استطلاع رأي طريق الاخبار

أهم توقعاتك لمستقبل مصر بعد تنصيب السيسي؟

إظهار النتائج

نتائج استطلاع رأي طريق الاخبار لا تعبر عن رأي الموقع انما تعبر عن رأي المشاركين في الاستطلاع

إرسل إلى صديق
الأكثر إرسالا
الأكثر قراءة
أحدث الاخبار العربية والعالمية