الأخبار المصرية والعربية والعالمية واخبار الرياضة والفن والفنانين والاقتصاد من موقع الاخبار طريق الاخبار

الاخباراخبار مصر - اهم الاخبار المصرية › اتجوز بجنيه واحد فقط!

صورة الخبر: اتجوز بجنيه واحد فقط!
اتجوز بجنيه واحد فقط!

تناقلت بعض صفحات الموقع الاجتماعى الشهير "فيس بوك" فكرة يمكن أن تحل كافة مشكلات الزواج فى مصر والقضاء على العنوسة.
وتقول الفكرة " إحنا لو عملنا إحصاء لمحافظة ما وبلغ عدد سكانها 700 ألف نسمة هنقول عدد البالغين منهم 500 ألف يعنى لو كل واحد دفع جنيها واحدا فى اليوم هيبقى معانا 500 ألف جنيه فى اليوم ودول لو اتقسموا على 4 شباب فكل واحد هياخد 125 ألف جنيه هيتصرفوا كالآتى : 90 ألفا شقة + 30 ألفا أجهزة وتوضيب + هيتبقى 5 آلاف يتعمل بيهم أجدع فرح وبكده يتجوز فى الشهر 120 شابا يعنى فى السنة 1440 شابا ، وضرورة وجود صندوق أو مقر لتنفيذ الفكرة بالمحافظات المختلفة ".

وتوقع أصحاب الفكرة ألا يخرج رد البعض عن " اللى هيضحك بسخرية" ، "اللى هيقول ياعم ايه الجنان ده" ، و"اللى هيقول ولا حتى فى المشمش" .

وبالتالى يمكن أن تسهم هذه الفكرة فى القضاء على العنوسة المصرية التى تبلغ حسب الإحصاءات الرسمية 13 مليون شاب وفتاة تجاوزت أعمارهم 35 عاماً ، منهم 2.5 مليون شاب و10.5 مليون فتاة فوق سن الـ 35 ومعدل العنوسة في مصر يمثل 17% من الفتيات اللاتي في عمر الزواج .

المصدر: الوفد / محمد سعد

قد يعجبك أيضا...
loading...

أضف هذا الخبر إلى موقعك:

إنسخ الكود في الأعلى ثم ألصقه على صفتحك أو مدونتك أو موقعك

التعليقات على اتجوز بجنيه واحد فقط! (53)

مصطفي سعد | 20/1/2013

عاوز اوضب شقتي والعفش ومشمعايه

Jes | 27/6/2012

ما الرجاله بتتجوز و برده عنيها فارغه و بتبص بره. ايه الفايده

أسهل حرب. | 7/8/2011

لقد تم تدميرنا بجيع هذه الوسائل الاخلاقية والاجتماعية والاقتصادية و الاعلامية و العلمية و الفكرية والثقافية ايضا سنفقد توارثنا و اجيلنا . هذه الامكانيات اقوى من حرب الصوارخ انها اكبر و اسهل و ارخص حرب لموت الشعوب . وشكرا فهذه هى الحقيقة يا شعب مصر .

علاء سيد جاد على | 31/3/2011

والله انا معاكو بس امتى هنبداوالله انا واحد من الناس اللى عايزة تتجوز بس الامكانيات والله

علاء محمد العزيزى | 15/3/2011

بجد فكرة جديدة جدا واتمنا التوفيق من اللة علشان الفكرة دى بجد ممكن تحل بعض المشاكل العصرية ال بتوجة الشباب بصفة خاصة وربنا يوفق

هشام هلال | 12/3/2011

فكره كويسه

هبه فوزى | 11/3/2011

يا جماعة الفكرة فعلا بندرسها مع بعض التعديلات و و تحت التنفيذ اليومين دول و قريب جدا تسمعوا عنها و ده لينك الصفحة بتاعت الجمعيه اللى تحت التأسيس عالفيس بوك وربنا يكرمنا و يعينا ونوصل لتنفيذ فكرة قومية عالمية وتاريخية فى نفس الوقت قريب جداً ان شاء الله http://www.facebook.com/pages/%D8%AC%D9%85%D8%B9%D9%8A%D8%A9-%D8%A7%D8%AA%D8%AC%D9%88%D8%B2-%D8%A8%D8%AC%D9%86%D9%8A%D8%A9/191582530875956

eslam | 27/2/2011

ياريت نعرف الفلوس هتروح لمين او اى حاجة عن الفكرة دى و ياريت يتعمل ليها جروب ع الفيس عشان نتبعها

mostafa elaraby | 26/2/2011

فكره حلو جدا جدا بس ياريت يكون فى ثائق فى قلبنا بجد انا ممكن اكون اول واحد فى هذه الفكره

محمد | 26/2/2011

ايه رأيكم لو نعمل بيت للمال زى ماعمل عمر بن عبد العزيز لاصلاح حال كل المسلمين وزواج الشباب ومساعدة كل محتاج على ان تكون هناك ضوابط صارمة لادارة هذا البيت من المخلصين لابناء هذا الوطن ومن المشهود لهم بالخبرة وحسن السمعة

amr badawy | 26/2/2011

هي فكرة جميله جدا بس ممكن حد يقوللي لو انا اخر واحد في ال500 واحد اللي في سن الزواج اقعد اد ايه ادفع الحنيه ده يوميا لحد ما اتجوز ؟؟ و خلال الفترة ده مش برضه هيزيد العدد ف ايه اولوية التوزيع هنا؟؟

مصرى | 25/2/2011

اولا انا بشكر صاحب الفكره على الفكره الرائعه دى والفكره دى كانت فى ازهان شباب كتير بس الياس والاحباط اخر كل افكرناوانا كان فى دماغى الفكره دى بس قبليها كان فيه فكره تنيه وعاوز رئيكم فيها بردواول حاجه فكرت فيها السلبيات الى فى حيتنا مثل السجائر ليه منعمش جمعيه فى كل شارع فى مصر كل واحد بيجيب علبه سجاير فى اليوم ندفع يوميا حق علبه السجائر لشخص موثوق فيه او صندوق جامع نخصصه لاكثر من شىء اولا للمرضى والمتضررين من العمل والظروف اجبرتهم على البطاله والى مش قادر يتجوز وايتام الشارع وانتو عرفين طبعا مكاسب شركات السجاير اد ايهوكام واحد بيدخن والمشروع ده محتاج 3 شروط الجديه والعزم والاراده

هبوش | 25/2/2011

قبل ان تبحثو عن الزواج ابحثو عن ما بعد الزواج من مصاريف المعيشة الضروريه

tamer | 25/2/2011

يا ريت فكرة تانية جهنمية تصرف على البيت بعد كده

زيزو | 24/2/2011

بجد فكره هايله ياريت ننفذها بإذن الله

ميار | 23/2/2011

فكرة ممتازة جزاكم الله كل خير.وعندى فكرة اخرى للقضاء على مشكلة اسكان الشباب وهى ان تقوم وحدات الجيش ببناء وحدات سكنية اقتصادية فى اماكن تخصصها لهم الحكومة على حدود المدن ثم عندما ينتهى الشاب من الجيش يحصل على وحدة سكنية فى محافظتة وبذلك نتغلب على عملية السرقة والتحايل فى توزيع الوحدات الاقتصادية على الشبان.

دودو | 23/2/2011

الموضوع حلو اوى بس ياريت يتنفذ علشان الشباب ونسبة العنوسه كتير وانا هساهم باذن الله معاكم

حسين عشماوى | 23/2/2011

الله معكم وانا متبرع لهذا الموضوع و سادفع معكم بدون مقابل

سلمى | 23/2/2011

يا ريت تقولوا لنا العنوان فين او رقم التليفون او حتى البريد الالكترونى وكمان اسم الشخص المسئول عن التنفيذ

اسلام | 23/2/2011

و الله يا جماعة هى فكرة جامدة جدا بس استحالة هيكون فى 500الف شاب بس فى المحافظة الواحدة اكيد عدد الشباب كتير غير ان احنا ممكن ناخد من الشباب و الاباء و الامهات جنيه فى اليوم و كل محافظة تتكلف بجواز ابنائها يعنى لو فى مليون فى المحافظة و اكيد هيكون اكتر من كده يبقى فى مليون فى اليوم يعنى 8 اشخاص يتجوزوا و تتاخد من سن العنوسة تدريجيا يعنى من سن 35 سنة الى 34 سنة و كده او ممكن تبقى بفترات من سن كذا الى سن كذا و المفروض الفكرة دى تتقال للجمعيات الخيرية لانها مش هتطمع فى اى حاجة عشان تاخدها و انا بحيى صاحب او صاحبة الفكرة و انا معاكم وقت ماتبتدوا

احمد عمر هاشم ابو زيد | 23/2/2011

اولا فكره اقتصاديه من الدرجه الاولى اننا نساعد بعض بعنى فى خلال 4سنوات نكون كلنا متجوزين انا شايف انها فكره عبقريه ثانيا فكره اتماعيه هتقرب الناس من بعض وده شيىء جميل

حسن الجبلاوى | 22/2/2011

الفكره جميله جدا واكيد هدفها التكافئ بينا والشئ الجميل فيها اننا نساعد بعض وانا من رائى انه يكون اكتر من جنيه عشان نزود نسبه الشباب وبارك الله فصاحب الفكره وفيكم

علاء اللول | 22/2/2011

ادفع 2 جنية واتجوز اتنين

عيد سيد | 22/2/2011

فكره حلوه تدعو الى التكاتف لحل كل المشاكل الى احنا فيها ويجب الاتفاق ويجب على ان نكون يد واحده الواحد للجميع والجميع للواحدعشان نرتقى ببلدنا الغاليه مصر

kareem | 22/2/2011

fekra gamda gdan

مهندس / رافت فرج عبد السميع | 22/2/2011

والله فكرة بملايين الجنيهات رغم انى متجوز وعندى بناتى الا انى مستعد للمساهمه فى سبيل انجاح هذة الفكرة بشرط وضع الضوابط والضمانات اللازمه لهذة الفكرة هو دة جيل المستقبل بجد وربنا يوفقكم لم فيه الخير باذن الله

roza | 21/2/2011

حتى لو فعلا هى منهوبة بس واله فيها خير على الاقل فى العقول الذكية الموجودة وانا معاكم بس قولنا نعمل وايةوالله الموفق

عامر ابوزيد الهوارى | 21/2/2011

فكرة جميلة وصادقة

احمد الاسعد | 21/2/2011

فكرة جيدة تحتاج التنفيذ العملى

ahmed | 21/2/2011

نامل مساعدة رحال الاعمال و كل مسلم و مسيحي ان يخصص جزء من الذكاء لمساعدة ابناء مصر الحبيبه علي الزواج للقضاء علي ظاهرة الزواج السري و و كذا ظاهرة اغتصاب الفتيات و ... و هذا العمل ستنال سوابه عند الله الذي لا يضيع اجر من احسن عملا .

Fair Moral | 21/2/2011

صاحب الفكرة هي بنت لا اعلم هويتها وانا احد من اعجبو جدا بهذه الفكرة ولكن عند التدقيق الحسابي في آلية تنفيذ الفكرة نرى اننا لو افترضنا وجود 500000 شاب سيدفع كل واحد منهم جنيه لأنه يريد الزواج بالتالي سنكون امام مطلب تزويج ل500000 شاب كلهم في حاجه للزواج. حسناً عمليه حسابية بسيطه على حسب ما جاء بالفكرة من تزويج 4 افراد يوميا حتى نزوج 500000 شاب سنحتاج 347 سنه هههههه يعني يديكم طول العمر وكده اكيد حد حيكون مظلوم:) لكن ممكن حد فذ اقتصاديا وحسابيا يغير في الفكرة شوية ويلاقي حل كويس ليها وقد عرضت صاحبة الفكرة جزأ آخر ألا وهو (جنيه فى 80000000 = 80000000 جنيه فى الشهر الواحد تفتكرى يكفوا كام مشروع فى الشهر يستوعب فكرة البطاله) نقلا بالنص عنها وهذه هي الفكرة التي فعلا نحتاج لتنفيذها.

مكمك | 21/2/2011

طب ادفع 2 جنيه واجوز الاول

وحد بيحب مصر | 21/2/2011

ممكن تتنفبز بس لازم على الاقل المتزوجين يكونو مع الشباب دى ولذم عدد المتزوجين يكون 400الف يجوز 100 الف عشن العمر الى فى الفكرة كبير اوى اصل جوز 500الف محتاج حولى 350الف سنة

shady elsakka | 21/2/2011

والله العظيم دي فكرتي انا واتسرقت مني ياريت اعرف مين اللي نشرها علي الفيس بوك والله فكرتي

محمد السيد | 21/2/2011

يعني كده الفرد هيدفع كام جنيه وعلي كام سنه هيكون العدد خلص .لازم نحسبها مش كده ولا ايه؟

يا سلام على المصريين | 20/2/2011

فكرة حلوة جدا وياريت لو تتحقق

mard2002 | 20/2/2011

انا لما ادفع جنية اتجوز بعد اد اية مثلا

ham | 20/2/2011

الفكرة عجبتنى ولكن كيف يتم تنفيذها؟ عايزين نفكر كيف ننقلها للواقع العملي

kadry | 20/2/2011

والله فكرة حلوة بس ياريت تكون بجد وانا معاكم؟على فكرة انا متزوج بس مافيش مشكله اساهم فيها علشان الشباب يتجوز والله الموفق

مجدى عبد العظيم | 20/2/2011

ان شاء الله هذه تعتبر صدقة جارية بس ياريت تتنفذ ونضمن تروح لاصحابها

مصريه حره | 20/2/2011

جزكم الله كل خير على هذه الفكره العاقله التى سوف تساعد شباب كتير فى حل مشكله الزوج ويريت تترجم الى حقيقه وانا اول واحده هدفع ويريت يتعمل لها جمعيه فى كل محافظه ترتب العمل ويكون اعضائهامن الناس اللى على ثقه كبيره من المجتمع وصدقونى لو كمان اخذنا من كل موظف ومعاش حنيه ومن كل طفل فى المدرسه والحضانه فى الشهر برده الجنيه شوفو هنلم كم والكل هيدفع لانه هيحس ان الفلوس دى هترجع تانى ان لم يكن له فلاحد من اقرابه وفى الاخر كلنامصرين

ابو على | 20/2/2011

انا والله الفكرة دى كانت فى دماغى الله يوفك تمام

لؤى | 20/2/2011

بجد فكرة ممتازة وهتحل مشاكل كتير بتقابل اى شاب داخل على جواز بس دى عايزة تخطيط ودراسةجبدة للتطبيق الفعلى

محمد | 20/2/2011

والله فكره مش بطاله لو حتى مش هستفاد منها اكيد هفيد ناس كتير نعملها تحت شعار اتجوز ولو بجنية

y_3me | 20/2/2011

ياريت

عبدالمنصف صلاح محمد | 20/2/2011

والله فكرة تستحق الدراسات ولا داعى للسخرية ( معظم النار من مستصغر الشرر)ليه لأ . توثق الفكرة ويقوم على تبنيها شرفاء من الشعب أو ( القوات المسلحة ) فهم خير جند الأرض وخير أمين على أبناء الوطن الشرفاء. وأضيف ولما لايدفع كل أب له ولد مقبل على الزواج نفس القيمة ( واحد جنيه)

احمد محمد | 20/2/2011

بجد فكرة جامدة اوي وبجد هاتساعد في حل كل المشاكل اللي بتترتب علي عدم الزواج ويامسهل واحنا معاك بس نفذوبجدية

إبراهيم | 20/2/2011

والله الفكرة جميلة جدا وتستحق الدراسة والتنفيذ

محمود ابوضيف | 20/2/2011

انا الله عزم علي نفسه انا يعين شاب عزم علي انا يعف نفسه بمعني انا ليس كل شئ المال فقط انما لو عزمت علي الزواج والعفاف وكل شخص عمل علي رضا الله سوف يكون كل شئ سهل اقل من الجنيه والحديث طويل جدا في هذاالموضوع تخيل لو اصحاب الشقق راعو الله تخيل لو كل اهل فتاه راعو االله في الشباب تخيل لو كل شاب راع الله في نفسه وفي اهله والخ.............اكمل وتخيل سوف يكون اقل من الجنيه

سامر | 20/2/2011

بارك الله فيك فكرة جميلة و احنا معاك

دو | 19/2/2011

بجد فكرة جميلة جدا منها مشاركة ومنها اننا نقرب من بعض وفعلا نبقي شعب العالم كله يحكي عن حضارته ديماوانا بدوري هعرف كل الناس علي الفكرة دي واية رأيكم نعملها جروب علي الفيس بوك ونشارك فيها الشباب كلهم ونستفيد من كل الافكار ؟ بجد يلا نبدأ

dr hamdy zoweil | 19/2/2011

انا معايا 2 جنيه مينفعش اتجوز اتنين..او ادفع جنيه ونص واخد جوازه وخطوبه اممممممم

طارق | 19/2/2011

بجد فكرة جزاك اللة خير .اول مشجعى هذة الفكرة. سوف اكون مروج لها

أضف تعليق

أكتب تعليقك
إسمك
البريد الإلكتروني

لن يتم إظهار بريدك الإلكتروني مع التعليق

الرقم السري
23217

من فضلك أكتب الرقم الظاهر أمامك في خانة الرقم السري

حمل تطبيق طريق الأخبار مجانا
استطلاع رأي طريق الأخبار
أرشيف استطلاعات الرأي

استطلاع رأي طريق الاخبار

أهم توقعاتك لمستقبل مصر بعد تنصيب السيسي؟

إظهار النتائج

نتائج استطلاع رأي طريق الاخبار لا تعبر عن رأي الموقع انما تعبر عن رأي المشاركين في الاستطلاع

إرسل إلى صديق
الأكثر إرسالا
الأكثر قراءة
أحدث الاخبار العربية والعالمية