الأخبار المصرية والعربية والعالمية واخبار الرياضة والفن والفنانين والاقتصاد من موقع الاخبار طريق الاخبار
صورة الخبر: أنا مش آسف يا ريس
أنا مش آسف يا ريس

دشنت مؤخرا علي الموقع الاجتماعي الفيس بوك صفحة "أنا مش آسف يا ريس" والتي بلغ عدد أعضائها أكثر من 100 ألف عضو خلال أربعة أيام فقط منذ بداية إنشائها، والتي تعتبر رداً سريعا على دعوة مسيرة "رد الجميل" التي دعت إليها الصفحة المضادة "أنا آسف يا ريس".

وتتسم صفحة "أنا مش آسف يا ريس" بالغضب والنفور الواضح في آراء أعضاء الصفحة، حيث يقول عمرو معوض: "لن أتأسف لك ،لأنى ببساطة مش لاقى حاجة تخليني أتعاطف معاك بعد ما خربت البلد بس ربنا حاسس بالشعب الغلبان، اللى اتبهدل ده، ورحم الله كل شاب قتلته يد النظام المجرمة"، وأضاف مصطفي عمراني: " أنا مش آسف يا ريس عشان كنت عايز صوتي يبقى عالي ومسموع أنا مش أسف عشان قلت: عايز حقي أنا مش أسف عشان ناس ضحوا بروحهم عشانا، أنا مش أسف يا ريس عشان ممشتش جنب الحيطة زى ما عودتنا، عشان قلت للظلم لا، عشان قلت للشرطة كفاية إهانه".

ويقول مجدي أسعد موجها كلامه للقائمين على صفحة "أنا آسف يا ريس" المضادة : "روح قوله آسف يا ريس بس ابقي حط عينك في عينه و اسأله: أمرت ليه بقتل النساء والشباب والأطفال في مظاهرة سلمية ولو فيها رزالة ابقي استفسر عن المليارات المنهوبة اللي تسدد ديونا و لو الوقفة طولت قوله فين إيراد القناة لحسن مزنوقين في قرشين بس متسألوش عن الأمراض والفقر والظلم والتعذيب و اوعا تجيبله سيرة المحاصيل المسرطنة ولا مشروع توشكي الفاشل وأمانة عليك متحكيلوش عن أمهات الشهداء وحرقة قلبهم على ضناهم لحسن صحتهم مش مستحملة !! "

كما أكد شكري عبد العزيز قائلا: "سامحتك ياريس في حقي وحق ولدي لكن مش من حقي ولا حق غيري أسامح في دَين محطوط جوه جيبك لبلدي وشعبي وأهلي وناسي، ومش من حقي برده أسامح في كل شهيد مات بإشارة منك ومش من حقي برده أسامح زراعة مسرطنة ولا من حقي برده أسامح في كرامة مصر ومش من حقي برده أسامح في غاز إتحرم علينا وراح للغريب بخمس الثمن ولا في جوع آهل بلدي".

وعقبت أسماء توفيق: "من يأسف عليك أولي له أن يأسف على حاله"، وأضاف محمد عادل :" انا ضد شتيمتك و إهانتك بس هاتقـولي سني كبر هاقولك اختيارك، هاتقـولى مرضى هاقولك انتظارك، هاتقولى أولادي هاقولك تربيتك، هتقولى حكومتي هاقولك تشكيلك، هتقولى حزبي هاقولك حراميتك.هاتقـولى شيطاني هقولك عقلك هاتقولى سامحني هاقولك .. يمكن بس مش آسف عليك ولا ليك وفي الآخر ربنا يشفيك يمكن بس مش آسف عليك ولا ليك وفى الآخر ربنا يشفيك".

وأضاف أحمد إبراهيم ساخراً من الصفحة المضادة:"بالنسبة لإخواننا بتوع (أنا أسف يا ريس) احنا في انتظار كمان جروب (معلش يا عادلي) وبالمرة (سامحني يا عز) و (لا مؤاخذه يا صفوت) و(ماتاخدش علي كلامنا يا سرور) ..وعجبي" وقال محمود نجيب: " هانعتذر علي إيه علي دم الشباب ولا سرقة البلد ولا علي الفساد ولا ولا ولا أنا مش آسف".

وأخيراً.. هل أنت مع أم ضد الاعتذار للرئيس السابق محمد حسنى مبارك ؟ّ (شارك برأيك)

المصدر: الوفد / سارة عزو

قد يعجبك أيضا...
loading...

أضف هذا الخبر إلى موقعك:

إنسخ الكود في الأعلى ثم ألصقه على صفتحك أو مدونتك أو موقعك

التعليقات على أنا مش آسف يا ريس (13)

مجدى عبد العظيم | 20/2/2011

سنقتص منك ياحسنى مبارك يوم القيامة ان شاء الرحمن انت وحاشيتك الفاسدة غير القصاص والذل فى الدنيا-انا مش اسف ياحسنى يامش مبارك

عبدالله محمد | 20/2/2011

فقر وجوع واهانه وظلم وسرطان وقهر وشهداء كل ده وجى تقول { الرساله وصلت } ههههههه انا ماشوفتش حاجه حلو فى{ مصر} بسببك. بالنسبه لحقى برضه هاقولك انامش اسف ياريس

هشام زويد | 20/2/2011

ارجو ان نكف عن الكلام ونتجه للعمل لتعويض ما فات لا الاسف يعيد مبارك ولا عدم الاسف بعيد الشهداء هيا جميعا نترك هذه المهاترات التى تشق الصفوف ونتوجه لمصالحنا حتى نعمر البلد التى اوشكت على الخراب

ام سالم | 20/2/2011

تعليق علي الاخ الذي يقول لومبارك تنازل عن ثروته للشعب انا اقول له فين حق الشهداء وفين حق اليتامي الذي تسبب في قتل ابائهم حسبي الله ونعم الوكيل

محمد سالم السيد محمد زايد | 20/2/2011

لو ان السيد الرئيس المخلوع يتنازل عن جميع ثروته للشعب المصري ويقدم كل الحراميه الذي هو عرفهم الي هو رباهم علي ايده ممكن الشعب يسامحه وهذه رساله الي مبارك لكي يقابل ربه والشعب مسامحه

اسلام زايد | 20/2/2011

أنا مش آسف لأنك السبب فى كل ما نعانيه فأنت كنت تعيش فى الماضى ولم تكن لديك رؤية ولا استراتيجية ولا هدف سوى توريث الابن غير الموهوب أنت اخترت أن تنفصل عنا فانفصلنا عنك لم تعد منا فلم تكن زعيما لنا ولم تكن موظفا نزيها وأحطت نفسك بكل من ينفر الشعب منهم وكنت لاتطيق أى مخلص ونزيخ فلماذا آسف عليك أو لك

ppahah | 20/2/2011

مين يتاسف لمين لوحد من الى بيتاسفوا دول مات ليهم شهيد في الثوره كانوا احترموا نفسهم انما دول الممسوخين بتوع الرييس

خالد محمد | 20/2/2011

انا مش عارف اقول اية لاايلى بيأسفوا انتو مش شفتو صور اخواتى اللى قتلهم مبارك حسبى الله ونعم الوكيل فيكم

وفاء | 20/2/2011

مين اللى للتانى انا اسف وهايتأسف على ايه ولا ايه وبأى عين المرارة اللى جوانا أقوى من أى اسف

عادل سيد يوسف | 20/2/2011

على الظلم ايلى شافة كل واحد محتاج علاج محتاج غطاء للبرد محتاج طعام للاولادة هو انتة كنت حاسس فعلا بالناس وانتة بتحول فلوسك للخارج منك للة

بدون اسم | 19/2/2011

انا عمرى ما هقول انا اسف يا ريس بل اقول اعطونا اموالنا المنهوبة

وفاء | 19/2/2011

انا اسفه يا ريس وانا بحبك جدا

Abeer | 19/2/2011

اعتذر عن الجوع أم الفقر أم التشرد أم انتحار الأب من عجزه عن توفير لقمة العيش لأبناءه أم عن أموال مصر المنهوبة أم عن الفساد أم عن الأفلام التى صورت مصر و كأنها بلد ليس فيها سوى المخدرات أو الدعارة أم عن الأطفال الخدج اللذين ماتوا لعدم وجود حضانات تكفيهم أم عن الناس اللذين يأكلون من القمامة أم عن شحنات القمح الفاسدة و كأن ليس من حق المصريين أكل رغيف خبز أم عن المبيدات المسرطنة التى راح ضحيتها العديد من الشعب المصرى بسبب الفشل الكلوى أم عن قضية أكياس الدم الفاسدة أم عن عبارة السلام .....كفاية لأن نفسيتى تعبت أكيد كلكم عارفين الباقى و كأن اللذين يعتذرون له و كأنهم يتحدثون عن رئيس بلد آخر و ليست مصر!!!!!!!!!!!!!

أضف تعليق

أكتب تعليقك
إسمك
البريد الإلكتروني

لن يتم إظهار بريدك الإلكتروني مع التعليق

الرقم السري
85076

من فضلك أكتب الرقم الظاهر أمامك في خانة الرقم السري

حمل تطبيق طريق الأخبار مجانا
استطلاع رأي طريق الأخبار
أرشيف استطلاعات الرأي

استطلاع رأي طريق الاخبار

أهم توقعاتك لمستقبل مصر بعد تنصيب السيسي؟

إظهار النتائج

نتائج استطلاع رأي طريق الاخبار لا تعبر عن رأي الموقع انما تعبر عن رأي المشاركين في الاستطلاع

إرسل إلى صديق
الأكثر إرسالا
الأكثر قراءة
أحدث الاخبار العربية والعالمية