الأخبار المصرية والعربية والعالمية واخبار الرياضة والفن والفنانين والاقتصاد من موقع الاخبار طريق الاخبار

الاخباراخبار مصر - اهم الاخبار المصرية › الحياة اليوم يبث تسجيل صوتي مسرب بين "مرسي والعوا"

صورة الخبر: الرئيس المعزول محمد مرسى
الرئيس المعزول محمد مرسى

أذاع برنامج "الحياة اليوم"، على قناة "الحياة"، تسجيل صوتي بين الرئيس المعزول محمد مرسي والدكتور محمد سليم العوا رئيس هيئة الدفاع عنه.

وهذا نص الحوار:
مرسي: قولي على أخبار الدنيا، ملخص سريع كده.
العوا: الدنيا كويسة، لا بأس بها، الناس كلها مشغولة، بالانتخابات الجديدة، اه الصور ملت الشوارع، والمظاهرات موجودة في كل المدن وكل القرى بالليل كل يوم والمصادمات ما بتتوقفش لكن ده كله ملوش نتيجة، نحن في عمل غير منتج، العمل المنتج حاجة تانية، لازم الناس تقعد وتتكلم وتصل إلى حل ..بدون الوصول إلى حل يا دكتور محمد ما فيش فايدة، و..يعني.
مرسي: ما فيش فايدة من ناحيتين.
العوا: من ناحيتين طبعا.
مرسي: مش كده ولا ايه؟
العوا : أيوة ما أنا بقول ما فيش فايدة من الناحيتين بالنسبة لمصر الحقيقة أنا مش هممني مين ولا مين أنا لا هاممني إخوان، ولا هاممني المشير السيسي دلوقتي ، أنا هاممني البلد.. البلد بتضيع.
مرسي: وهو رقى نفسه لمشير ليه دلوقتي؟
العوا: لأ ده اللي رقاه المستشار عدلي منصور.
مرسي: لأ بغض النظر.
العوا: عشان يبقى خد آخر حاجة في العسكرية يعني.
مرسي: علشان لما يبقى رئيس يبقى ما فيش حد أقدم منه؟.
ولا علشان ميبقاش أنا اللي عملته؟
العوا: متبقاش أنت اللي عملته، ويبقى قائد أعلى بجد وبحق وحقيقي، دي كلها اعتبارات مهمة يعني.
مرسي: وهو عايز يبقى رئيس فعلا.
العوا: هيبقى ان شاء الله.
مرسي: هيسيب الجيش؟.
العوا: آه.
مرسي: مش خايف من انقلاب.
العوا: لا ما خلاص ما هو هيبقى القائد الأعلى هو حسني مبارك ساب الجيش او الرئيس السادات الله يرحمه ساب الجيش.
مرسي: هيعملوا عليه انقلاب؟
العوا: لا
مرسي: ما هو اللي بينقلب بيُنقلب عليه، انت مش فاكر.
مرسي: فيه نقطة أنا عايز حضرتك تتكلم فيها، مش عارف رئيس المحكمة مين، أنا محتاج فلوس في الأمانات، فدلوقتي معنديش زيارات، لامحامين، ولا أهل.
العوا: والفلوس دي لازم تتدفع في خلال زيارات، والا ايه؟
مرسي: أنا معرفش يعني دلوقتي انا محتاج يبقي في حسابي فلوس عشان أعيش.
صوت: طب ما دا ممكن حوالة يا دكتور،
مرسي: دلوقت السجن بيقول مجاش حاجة،
صوت: هي بتاخد وقت بس، مين اللي قال لحضرتك بعت؟
مرسي: لازم أصدق الناس
صوت: مين اللي قال لحضرتك بعت؟
مرسي: المرة اللي فاتت أانا قولتلهم لما كنا هنا كان يوم التلات، قالوا هنبعت بكره، اللي هو الأربع، قالوا هتوصل في نفس اليوم.
العوا: طب دلوقتي هاسأل المحامين مين اللي عمل كده.
مرسي: أسامه، أسامة مش ابني.
العوا: أسامه الحلو؟ موجود
مرسي: أيامه الحلو ده كان دخل النهاردة
العوا: مش عارف دخل ولا لأ، بس يعني نسأل
مرسي: ما حنا عايزين نشوفلها حل
مرسي: إلا اذا انتوا تجيبوا فلوس قدام القاضي وتدوها لحد من الظباط، يعني قصدي نعمل إجراء، ما ينفش فلوسي اللي في الأمانات تخلص.
العوا: لأ ما ينفعش
مرسي: لأن إحنا لينا مصاريف، واخد بالك، ومصلحة السجون لها...
العوا: ايوة طبعا لها قواعد ونظم
مرسي: لها قواعد
العوا: وأسس، مش هيصرفوا على محبوس احتياطيا على حسابهم
مرسي: مش هيصرفوا علينا يعني
العوا: طبعا لأ دي نخلصها دلوقت ان شاء الله يا ما مع الدايرة، يا مع مصلحة السجون نفسها، نبعت حد.

المصدر: اليوم السابع

قد يعجبك أيضا...
loading...

أضف هذا الخبر إلى موقعك:

إنسخ الكود في الأعلى ثم ألصقه على صفتحك أو مدونتك أو موقعك

التعليقات على الحياة اليوم يبث تسجيل صوتي مسرب بين "مرسي والعوا"

هذا الخبر لا يحتوي على تعليقات.

كن أول شخص وأضف تعليق على هذا الخبر الآن!

أضف تعليق

أكتب تعليقك
إسمك
البريد الإلكتروني

لن يتم إظهار بريدك الإلكتروني مع التعليق

الرقم السري
46156

من فضلك أكتب الرقم الظاهر أمامك في خانة الرقم السري

حمل تطبيق طريق الأخبار مجانا
استطلاع رأي طريق الأخبار
أرشيف استطلاعات الرأي

استطلاع رأي طريق الاخبار

أهم توقعاتك لمستقبل مصر بعد تنصيب السيسي؟

إظهار النتائج

نتائج استطلاع رأي طريق الاخبار لا تعبر عن رأي الموقع انما تعبر عن رأي المشاركين في الاستطلاع

إرسل إلى صديق
الأكثر إرسالا
الأكثر قراءة
أحدث الاخبار العربية والعالمية