
عاجل: الفيس بوك يكشف أن سبب انفجارات القاهرة هو ابن شقيق عفاف شعيب!
بعد سماع دوي في عدة أنحاء من محافظة القاهرة، وبدأت التكهنات على موقع الفيس بوك لمعرفة سبب تلك الانفجارات، فبعض المصادر أكدت أن سبب ذلك الصوت هو انهيار كوبري الجزيرة بالمعادي، بينما أكد البعض أنه اختراق طائرة لحاجز الصوت، في حين شعر البعض بالخوف ليكون ذلك جراء عمل إرهابي.
أما أطرف هذه التكهنات التي صاحبت الحدث، كتب من خلال صفحة " إحنا آسفين ياعم اللورى،عمو جاب البيتزا والريش،أدى حتة لعمتو عفاف شعيب"، مدعين أن سبب ذلك الدوى هو سير ابن شقيق الفنانة عفاف شعيب للبحث عن محلات الريش والبيتزا، ليتم نشر صورة تناسب المزحة وكتابة التعليق التالي " ليه يا حمادة كده حرام عليك يا بنى العمارات مش ناقصة".
ومن التعليقات الطريفة للفيسبوكيين تزامنا مع خبر الانفجار:
- عارفين ده صوت إيه يا جماعة ده صوت فرقعة عجلة الإنتاج فضلوا ينفخوا فيها لغاية ما فرقعت.
- يا رجاله اطمنوا في حوار صوت الانفجار ده معلش كنت بلعب ريد أليرت ومعلى السماعات شويه.
- صحة يا لورى الثوار وصلهم الرسالة خلاص لو نزلتوا يوم 8 يوليو...حديكوا واحدة كرنب زى اللى حصلت الصبح ..إحنا منهارين
- أما المغني "حمزة نمرة" فكتب على حسابه الشخصي على الفيس بوك " دفعة طيران بتتخرج! طب ما احنا اتخرجنا و مقرفناش حد معانا يعني"، و "من الآخر مفيش أي حاجة في المعادي والطيار ده لو كان شقيان بفلوسها مكنش عمل كده".
- أنباء عن انفجارات في مناطق متفرقة في القاهرة، يسارع تامر حسني تصوير أغنيته "أنا خايف"، ليقول مؤسس الصفحة "استرجل بقي".
- في حين سرح البعض بخياله بعيدا فكتب "ده مش صوت انفجار ديه الطيارة اللي بتهرب علاء وجمال من سجن طره".
- آدي اللي بناخده من الطيارين .. واحد خرب لنا البلد تلاتين سنة.. والتاني داس بنزين زيادة شوية .. وقف البلد كلها على رجل
- من الشعب المصري للطيار اللي اخترق حاجز الصوت، تلاقى امك اللي جايبهالك
- تقريبا السبب الفعلى للانفجار .. ان توفيق عكاشة كان بيزغط البط .. وهو بيزغطه، فى بطة شرقت
- مصدر عسكري: صوت انفجار المعادي ناتج عن اختراق طائرة لحاجز الصوت، احنا أسفين يا حاجز
- تهمة البلاغ الكاذب فى انتظار جميع افراد الشعب المصرى
التعليقات على عاجل: الفيس بوك يكشف أن سبب انفجارات القاهرة هو ابن شقيق عفاف شعيب!
هذا الخبر لا يحتوي على تعليقات.
كن أول شخص وأضف تعليق على هذا الخبر الآن!
أضف تعليق