فى معدية المرسيدس جوه الحتة
قال السواق للبيه شايف العشة
زبالة وبيئة ونتنة وعفشة
آه لو تبقى جميلة وضلة ودار
بص البيه بعنيه وقعد يتأمل
كل الدنيا هنا لازم يتحول
تطلع أبراج ومن جيبى أمول
ضله ودار إيه يا حمار
طب والناس ياسعادة البيه
هتروح فين وهتعمل إيه
يتمرمطوا بالشكل ده ليه
هناخدهم كده م الدار للنار
مالنا احنا ومال الناس
دول جرابيع ولينا مداس
اوعى تفكر ولا تحتاس
لينا حكومة ولينا مطار
طب هتسيب الناس تتهور
يجى إعلام ف الزحمة يصور
تبقى خناقة وناس تتعور
وساعتها سيادتك تحتار
ولا جميع شىء ممكن يحصل
هو جواب ل وزيرنا هيوصل
والمعلوم جواه متأصل
ناخد تصريحنا ونندار
قال السواق جوه فى سره
ف الأصل حرامى وبيه من بره
منك لله يابن الصرمة
ياللى عاملى من الأحرار
وبلد صابرة على بلاويكو
والعيب فيها ولا فيكو
ومفيش قاضى عشان يقاضيكو
أضف هذا الخبر إلى موقعك:
إنسخ الكود في الأعلى ثم ألصقه على صفتحك أو مدونتك أو موقعك
كن أول شخص وأضف تعليق على هذا الخبر الآن!